Ｍ：ゴールデンウィークん終わるさーや。
Ｓ：はー、ようやくや。
Ｍ：だーかいえってぃん遊びが行じゃんな？
Ｓ：だーにん行かんさ。我んや自由業るえっとぅよ、むるかいが遊びぬばーや家ーぐまいて。ちゅーぬわさないすーしや好かんとぅよ。
Ｍ：家ーじぬーすんばーがさー？
Ｓ：本ゆだい、新聞切り抜きしちゃい、物書きしちゃい、とぅーたい、てーげーいちゅなせんどーやー。今帰仁ぬ家ーかい行じ、庭木ぬ剪定ぬんさんねーならんとぅよ。おっとーが病気じどぅーえーかんくなってぃから、我んがさんねーならんくなってぃよ。
Ｍ：いった家ーや庭んてーげー広せーとぅ、手入れすーしん簡単やあらんてー。
Ｓ：はー、ちゃっさーしちんぷしがらーぬよー。木ーぬん草ぬん、ちゃっさ切っち、抜じん、次から次ねー萌いてぃるすーとぅよ、うすましーむんどやー植物りいうしや。
Ｍ：えーがはじや、うったーや言ち聞かさりぬむぬやあらんとぅや。
Ｓ：好きやらんねーじょいならんどー。我んぬんおっとーがすーしふーせーにから見っちちー、盆栽ないぬ木ー採いがりち山んまじゅんあっちぇーとぅよ、何時ぬ間にげーら好きになっとぅんばー。あんすとぅるないるよー。
Ｍ：なまや花やぬーぬ咲ちゅんばーが？
Ｓ：なまやアマリリスとぅユリや。ブロック塀に這ーらちえーぬブーゲンビリアん咲ちゅんどー。うりとぅパッションフルーツてー。うりがまた今年やゆー咲ちよ、実ーんうみちかなっとぅんばーて。
Ｍ：あんしぇーうーぐとぅえーむんな。
Ｓ：あんすとぅよ。ちゃんちがウチナーぬ土地ぬあたとぅんばーげーら、パッションフルーツやうっちゃなぎとぅてぃんなんばーて。蔓ぬんどぅく伸びてぃ、すばぬ黒木にはらまち、はしませーぬあたいるえーる。
Ｍ：スーパーじ買うりば、てぃーち１００円びかーすんどーやー。
Ｓ：あんすとぅよ、メイクマンじ苗木２００円びかーじ買うてぃちー植いてぃ、何百個りち実ーぬないとぅよ、経済的にやうりが一番いい儲きえんやー。
Ｍ：他にん実ーぬないしやあんばー？
Ｓ：パッパーヤーぬんうみちかなっとぅんよ。むるさーなてぃどぅーむいしちよ、いらんむんやぴちぬじ１０本びかー植いてーしが、最近ぬむんや品種改良さってぃ、丈ん１メーターびけーなーから実ーぬなんばーてー。食後ぬデザートに最高えっさ。パッパヤーや、よーぴえってぃん黄色くしーねーすぐ採らんねーよ、ガラシにさーりとぅ油断ならんばーよ。
Ｍ：ガラシん色分かいさや。
Ｓ：あんすとぅよ。
Ｍ：他にんあんばー？
Ｓ：どぅーむいしちゅーしやシークヮーサーとぅビワぬあんや。植いてーしや島バナナ、スモモ、アセローラ、アテモヤ、レイシ、ベンシルー、ドラゴンフルーツ。
Ｍ：はっさ、ぬーふいぬむんあいーさや。
Ｓ：ベンシルーやてーげーぷどいとぅとぅ、実ーんないとぅ食ーたっくしがてー。他やなま若木えっとぅよ、実ーやなんまとぅーならんしが、あとぅ１０年しーばちゃっさんないがはじりち期待しちゅうばーよ。
Ｍ：はー、ぃやーや刀自ん子ーうらんむん、うっさきなー誰ーがかむがさー。
Ｓ：我がかむん。
Ｍ：あぎじゃびよー、わたこーすんてー。
Ｓ：余いしや鳥ーねーかますさ。ガラシ、ピユシ、ソーミナー、ういでぃきさしみるさ。
Ｍ：うぬうち恩返しすーぬ鳥ぬんうんてー。
Ｓ：すらかーぎー嫁ないしんういがや？
Ｍ：ガラシやいるくるー、ピユシやゆんたくー、ソーミナーやうふそー。
Ｓ：あんしぇーしむさ。
Ｍ：贅沢言やんけー。
Ｓ：言ゅん。
Ｓ：はー、ようやくや。
Ｍ：だーかいえってぃん遊びが行じゃんな？
Ｓ：だーにん行かんさ。我んや自由業るえっとぅよ、むるかいが遊びぬばーや家ーぐまいて。ちゅーぬわさないすーしや好かんとぅよ。
Ｍ：家ーじぬーすんばーがさー？
Ｓ：本ゆだい、新聞切り抜きしちゃい、物書きしちゃい、とぅーたい、てーげーいちゅなせんどーやー。今帰仁ぬ家ーかい行じ、庭木ぬ剪定ぬんさんねーならんとぅよ。おっとーが病気じどぅーえーかんくなってぃから、我んがさんねーならんくなってぃよ。
Ｍ：いった家ーや庭んてーげー広せーとぅ、手入れすーしん簡単やあらんてー。
Ｓ：はー、ちゃっさーしちんぷしがらーぬよー。木ーぬん草ぬん、ちゃっさ切っち、抜じん、次から次ねー萌いてぃるすーとぅよ、うすましーむんどやー植物りいうしや。
Ｍ：えーがはじや、うったーや言ち聞かさりぬむぬやあらんとぅや。
Ｓ：好きやらんねーじょいならんどー。我んぬんおっとーがすーしふーせーにから見っちちー、盆栽ないぬ木ー採いがりち山んまじゅんあっちぇーとぅよ、何時ぬ間にげーら好きになっとぅんばー。あんすとぅるないるよー。
Ｍ：なまや花やぬーぬ咲ちゅんばーが？
Ｓ：なまやアマリリスとぅユリや。ブロック塀に這ーらちえーぬブーゲンビリアん咲ちゅんどー。うりとぅパッションフルーツてー。うりがまた今年やゆー咲ちよ、実ーんうみちかなっとぅんばーて。
Ｍ：あんしぇーうーぐとぅえーむんな。
Ｓ：あんすとぅよ。ちゃんちがウチナーぬ土地ぬあたとぅんばーげーら、パッションフルーツやうっちゃなぎとぅてぃんなんばーて。蔓ぬんどぅく伸びてぃ、すばぬ黒木にはらまち、はしませーぬあたいるえーる。
Ｍ：スーパーじ買うりば、てぃーち１００円びかーすんどーやー。
Ｓ：あんすとぅよ、メイクマンじ苗木２００円びかーじ買うてぃちー植いてぃ、何百個りち実ーぬないとぅよ、経済的にやうりが一番いい儲きえんやー。
Ｍ：他にん実ーぬないしやあんばー？
Ｓ：パッパーヤーぬんうみちかなっとぅんよ。むるさーなてぃどぅーむいしちよ、いらんむんやぴちぬじ１０本びかー植いてーしが、最近ぬむんや品種改良さってぃ、丈ん１メーターびけーなーから実ーぬなんばーてー。食後ぬデザートに最高えっさ。パッパヤーや、よーぴえってぃん黄色くしーねーすぐ採らんねーよ、ガラシにさーりとぅ油断ならんばーよ。
Ｍ：ガラシん色分かいさや。
Ｓ：あんすとぅよ。
Ｍ：他にんあんばー？
Ｓ：どぅーむいしちゅーしやシークヮーサーとぅビワぬあんや。植いてーしや島バナナ、スモモ、アセローラ、アテモヤ、レイシ、ベンシルー、ドラゴンフルーツ。
Ｍ：はっさ、ぬーふいぬむんあいーさや。
Ｓ：ベンシルーやてーげーぷどいとぅとぅ、実ーんないとぅ食ーたっくしがてー。他やなま若木えっとぅよ、実ーやなんまとぅーならんしが、あとぅ１０年しーばちゃっさんないがはじりち期待しちゅうばーよ。
Ｍ：はー、ぃやーや刀自ん子ーうらんむん、うっさきなー誰ーがかむがさー。
Ｓ：我がかむん。
Ｍ：あぎじゃびよー、わたこーすんてー。
Ｓ：余いしや鳥ーねーかますさ。ガラシ、ピユシ、ソーミナー、ういでぃきさしみるさ。
Ｍ：うぬうち恩返しすーぬ鳥ぬんうんてー。
Ｓ：すらかーぎー嫁ないしんういがや？
Ｍ：ガラシやいるくるー、ピユシやゆんたくー、ソーミナーやうふそー。
Ｓ：あんしぇーしむさ。
Ｍ：贅沢言やんけー。
Ｓ：言ゅん。
