En la oka tago (18-a de junio) en Hokajdo ni vizitis tri muzeojn en la urbo Abasiri.
La unua estis La Muzeo de nordaj popoloj. En la norda, malvarmaj regionoj loĝis kaj loĝas diversaj etnoj, kiuj havas siajn proprajn historiojn kaj kulturojn kaj influas/is reciproke. En la muzeo oni prezentas ilin laŭ diversaj temoj, do ne laŭ apartaj etnoj.
Ekzempre pri vestaĵoj: vestaĵoj el felo de boaco estas tre utila kontraŭ malvarmo.
Vestoj el haŭto de intesto de fokedo (Eskimo en Kanado, Inuito en Alasko) havas akvoimunecon.
(maldekstre) Vestaĵo el haŭto de fiŝo (Nanai aŭ Hezhen en Ĉinio) estas mola, glata kaj akvoimuna.
(dekstre) Vestaĵo el arboŝelo.
Dekstre estas bunta vestaĵo, kiu estas kontraŭfrosta vesto por virino (Inuito en Alasko). Pro la granda kapuĉo la virino povas vesti sin kun sia bebo sur la dorso. La desegnoj kaj la ornamaj materialoj montras komercadon kun eŭropanoj.
Supre prezentiĝas la domo el ligno de Eskimo en Alasko, kiu estas vertikala truo. Oni eniras en la domon tra la maldekstra longa koridoro kaj ronda truo de la planko. Tiamaniere gardis la internan varmecon. Alie estis diversaj loĝejoj en la nordaj regionoj: Tendo por nomodo, domo el glacibrokoj (iglo) de Inuito, Domo el ligno kun tenejo altplanka por longe loĝi en fiksita loko, k.a.
Oni prezentas spiritan vivon de la nordaj etnoj. Ĉe la centro de supra foto staras totemo, kiu estas la simboro de iu gento.
Dekstra nigra figuro estas la kostumo de ŝamano. Ĝenerale la kredo de la nordaj popoloj estis animismo, en kiu ĉiu ajn estaĵo havas animon.
Diversajn maskojn oni uzis en la religia ceremonio.
Muzikiloj estis gravaj iloj por ŝanĝi la ĉiutagan vivon en la religian etoson.
Alie en la muzeo prezentiĝas multaj interesaj aferoj, ekz. la vivo de infanoj, la iloj por kapti animalojn aŭ fiŝojn, iloj por fari ilojn, manĝaĵoj, laborado, Tradiciado de la kulturo, vivmaniero, artaĵoj k.a. al la nuntempo...
La dua muzeo estis Muzeo de Drivaj Gracioj. En la Oĥotska Maro en vintro drivas multegaj gracioj, kiuj albordiĝas al la marbordo de Hokjdo, kvankam la latitudo de ĉi tiu parto proksimume egalas al norda parto de Italio.
Kial multe aperas glacio en ĉi tiu parto en la terglobo, iom malfacile klarigi ĉi tie, do mi prezentas nur kaekajn interesajn aferojn en la muzeo.
Oni prezentas la bestojn, kiuj vivas en la glacia maro.
Ni spertis la malvarmecon en speciala ĉambro, kie estis minus 15 grada. Ni portis mantukon malsekigitan, kiu rapide frostiĝis en la ĉambro.
La tria muzeo estis la Muzeo de la Prizono, kie antaŭe (1890-1983) estis la prizono de Abasiri kaj nun restas multaj konstruaĵoj, kiujn utiligante oni malfermis la muzeon.
Ĉe la enirejo de la prizono staras la gardisto.
La ĉefa domo estis konstruita disradie, tial ĉe ĝia centro la provoso povas observi ĉiujn direktojn, ĉiujn koridorojn.
Estis multaj ĉambretoj por la malliberuloj. Post la ligna septo en profundo de la ĉambro troviĝas necesejo.
Alie estas malgrandaj domoj.
Ĝi estas ĉelo por puni.
Estis banejo, kie la malliberuloj devis bani sin en la ordo laŭ la ordono de la provoso. Dek kvin malliberuloj unue banis sin dum tri minutoj, kaj purigas sin dum tri minutoj, dua banado dum tri minutoj, lavi la vizaĝon dum tri minutoj. Tiamaniere kviono da tuta malliberuloj povis bani sin en unu tago.
La malliberuloj devis labori por ekspluati la sovaĝan trenon (ĉefe por konstrui vojon).
Oni konstruis provizoran domon por malliberulo-laboristoj.
Estis la agro, kie laboris la malliberuloj. Ĝia moderna tekniko multe kontribuis al la evoluo de japana agrikulturo.
Nu en ĉi tiu tago ni multe lernis pri diversaj aferoj, kaj iom lacaj ni tranoktis en iu turisma hotelo.
