エスペラントな日々

エスペラントを学び始めて23年目である。この言葉をめぐる日常些事、学習や読書、海外旅行や国際交流等々について記す。

En pluvo

2016-11-29 | En Euxropo


La tagoj en Parizo estis pluvemaj. En la 20-a de junio ni promenis en la insulo Cite, vizitis la katedralon Notre-Dame, la pregxejon Sainte chapelle. Cxe la ponto Pont Neuf ni prenis turisman sxipon sur la rivero Seine.
Jam estis 2:20 posttagmeze, kiam ni atingis la muzeon Louvre. Estis longa vico por eniri la muzeon. Ni sekvis la vicon cxe gxia fino. Ni devis movigxi tre malrapide gxis la enirejo. Tuj ekpluvis, kaj do ni staris unu kaj duon-horojn en pluvo.
En la palaco antaux la muzeo multaj junuloj vendadis memorajxojn de palizo, ekz. malgranda Ejfelturo. Ili tuj sxangxigxis al ombrel-vendistoj.
Ni havis ombrelojn.
Tuj malantauxe estis kvar knabinoj tre gajaj. Eble ili senkonscie deziris pli rapide movigxi, kaj ofte premis mian ombrelon per la sia. Tio iom gxenis min, sed ili tute ne rimarkis sian gxenadon.
Tuj antauxe estis juna paro, certe geamatoj, kiuj ne havis ombrelon. Mia edzino kovris sxin per sia omblero. Sxi heziteme kaj cxarme ridetis al ni. Dume li estis tro alta por kovri per mia omblero, do li pli kaj pli malsekigxis. Ni ne havis komunan lingvon. Mi provis konversacii kun ili, sed mi ne povis ekscii ecx ilian naciecon, nur komprenis ilian dankemon. La vico antaux ni pli kaj pli mallongigxis, restos jam mal pli ol 20 minutoj, kiam la paro subite elvicigxis kaj foriris. "Ni jam ne havas tempon", iale mi komprenis ilian esprimon.

ルーブル美術館に入るために1時間半並びました。
コメント

Lignaj domoj (3)

2016-11-23 | En Euxropo


En la vilagxeto de Marie Antoinette de Versailles trovigxas cxarmaj domoj, sed ili estas parte el ligno, parte el briko, sxtono.





En la Folklora Muzeo de Oslo trovigxas multaj lignaj domoj inkluzive de Stavkyrkje, ligna pregxejo. Interno de la pregxejo abundas je skluptajxoj.





Cxi tiu domo estas iama restracio, trinkejo.



Kelkaj domoj havas herbaron sur sia tegmento.





La lastaj ligno-domoj estas la monda heredajxo Bryggen en la urbo Bergen.

ベルサイユのマリー・アントワネットの村にはかわいい家がいくつかあります。ノルウェーにも珍しい木造建築がありました。
コメント

Lignaj domoj (2)

2016-11-21 | En Euxropo


En la urbo Honfleur, Francio, estas bela urbo cxe maro, kie trovigxas interesaj lignaj domoj. Interalie unika estas la pregxejo Sankta Catherine. Gxi havas turon el ligno.





La pregxejo konsistas el du preskaux samaj partoj. En la 100-jara milito (14, 15-a jarcento) tiea pregxejo estis ruinigita. Oni deziris rekonstrui gxin. Pro ekonomia kialo ili decidis konstrui gxin el ligno. La urbo havas havenon, do tiam estis sxip-cxarpentistoj. Ili konstruis la pregxejon. La pregxejo unue konstruita estis tro malgranda, kaj do oni duobligis gxin.



En la urbo trovigxas alia ligna pregxejo.



Kaj estas ne malmultaj lignaj domoj.



Estas la domo de la komponisto Erik Satie.

フランス・オンフルールの街にも興味深い木造建築がありました。
コメント

Lignaj domoj

2016-11-19 | En Euxropo


Urbojn, stratojn en Euxropo gxenerale karakterizas domoj el sxtono aux briko, sed interalie interesis min lignaj domoj. Trovigxas logxdomo el ligno, kiu malsimilis al japana tipa lignodomo je sia koloro kaj je la formo de la tegmento. Antaux cio japana tradicia domo ne havas fumtubon.



Jen estas dometoj de fisxitoj, kiuj ne estis tre fremdaj al japanoj.



Ecx en Mont-Saint-Michel trovigxas lignaj domoj.



Ankaux en la urbo Caen mi vidis malnovan lignodomon.



La urbeto Beuvron-en-Auge en Francio estas speciala loko, kie trovigxas la strato de malnovaj lignodomoj.



Ofte lignodomo havas skulptajxojn. Ankaux en Beuvron-en-Auge mi vidis interesajn skulptajxojn.

ヨーロッパの木造建築にはなかなか興味深いものがありました。
コメント

Ni mangxis (9: en Norvegio)

2016-11-16 | En Euxropo


S-ro D regalis nin per cxiutagaj mangxajxoj: pano, fromagxo, ovo, supo, pomo... Li dois al ni ecx luncxon. Tial ni ne havis sxancon mangxi en restracio. Ni trovis cxinan restracion proksime de la Esperanto-domo. Spite, ke s-ro D arangxis vespermangxon, ni iris al la restracio. Ni deziris regali la s-ron, sed li ne akceptis. Kaj en la restracio ni mangxis cxinan kuirajxon... ne tre bongustan. Sxajne la kuiristo ne bone sciis pri cxina kuirarto.
El la mamgxajxoj, kiujn ni mangxis en la E-domo, speciale placxis al mi ”bruna fromagxo" (vidu foton). Gxi havas dolcxan guston similan al karamelo. Nur tiam mi eksciis, ke en la mondo ekzistas dolcxa fromagxo. Mi acxetis gxin en la urbo Bergen.

En Bergen gastigis nin s-ro B, la plej juna zorganto en nia vojagxo. Ankaux li regalis nin per cxiutagaj mangxajxoj. Ni solaj promenis en la urbo. En la centro de Begen trovigxas Bryggen, stratetoj el lignaj domoj, kiu estas monda heredajxo de UNESKO. Ni tagmangxis en restracio en la bazaro de fisxoj. Mia edzino mangxis salmon, mi balenon. Ili multe kostis kaj ne malbonaj.
En mia infaneco mi ofte mangxis balenon, kiu estis la plej malkara viando. Nun gxi estas altklasa mangxajxo en Japanio. Unu el la tradicioj de japanaj kuirarto, mangx-moro nun preskaux malaperis. La gusto de norvega baleno tre similis al tiu en mia infaneco.

ノルウェーでは甘いブラウンチーズに驚きました。日本ではほとんど食べられなくなったクジラを食べてきました。
コメント

La E-domo de Oslo

2016-11-14 | En Euxropo


S-ro D, nia gastiganto en Oslo, tre afable kaj kompleze zorgis nin. Dank'al li ni akiris tre utilan bileton, per kiu ni libere veturis en la urbo per auxtobuso kaj tramo, vizitis multajn muzeojn.
Ni logxis tri noktojn en la oficejo de Esperanto, apartamento en surtera etagxo de granda domo. En la lasta vespero okazis kunveno de esperantistoj. S-ro D antauxe diris: "Povas esti, ke cxi-vespere neniu venos.", sed mirinde! alvenis maljunulo, blindulo kaj du junuloj. Do entute sep esperantistoj gaje babilis.

En la oficejo ne estis litoj kaj ni dormis sur sofoj. Ni ne portis dormsakon, kaj s-ro D elportis multajn tukojn, litajxojn el la kelo. Ni elektis plej komfortajn. Tiel ni havis ne malbonan lokon por tri noktoj.
Estis unu problemo. En la oficejo ne estis dusxejo. Tio ne tre grava problemo por tri noktoj, cxu ne?
Estis alia problemeto, aux... amuzajxo... iom komplika vojo al la necesejo. Unue ni devas malsupreniri al duonsubtera etajxo, kie estas pordo kaj tuj apude sxlosiloj. Mi prenas la sxlosilojn, malsxlosas la pordon kaj mi estas en koridoro, kie estas kelkaj pordoj de aliaj apartamentoj. Mi malfermas unu pordon, eklumigante mi eniras en alian koridoron, kie trovigxas kelkaj pordoj de konservejo de la logxanto. En la plej profunda loko estas alia pordo, tra kiu mi eniras trian malvastan koridoron, de kie oni povas eliri al strato. Tie mi malsxlosas alian pordon kaj eklumigante eniras antauxcambron de la necesejo. Tie estas du necesejoj, el kiuj la maldekstra estas nia. Kuveto por lavi la manojn estas komuna por la du necesejoj. Mia edzino kelkfoje perdis la vojon, precipe en reveno.

オスロのエスペラント会館のトイレへ行く通路はまるで迷路のようでした。
コメント

Aventuro en Oslo

2016-11-11 | En Euxropo


En la 9-a de julio ni forflugis de Torino. Mi gxuis pejzagxon de la Alpoj tra la fenestro de la aviadilo. Ni sxangxis aviadilon cxe Amsterdamo kaj bonorde atingis la flughavenon de Oslo, Norvegio.
S-ro D, nia gastiganto en Oslo, antauxe sciigis, klarigis, instrukciis la manieron iri al la centra stacio de Oslo tre ekzakte, precize, trafe.
Unue mi sxangxis monon de japanaj enoj al norvegaj kronoj. Kaj acxetis biletojn per auxtomato. Laux la instrukcio de s-ro D mi klakis "ny billett" ( nova bileto) sur la ekrano, poste "Denne stasjonen"  (cxi tiu stacio), "Oslo S" (celata stacio), "OK", " ++ (du biletoj) cxe "Honnor" (por pensiulo), ... Mi faris iom komplikan manipuladon ecx dufoje, kaj finfine akiris du biletojn malmultekostajn por pensiulo.
Mi kaptis ordinaran trajnon (ekspresa trajno estas multekosta!) kaj bonorde atingis la stacidomon de "Oslo S", kie iu devas atendi nin. Se s-ro D ne povas veni, li petis iun esperantiston akcepti nin. Ni cxirkauxrigardis en la stacidomo, iom promenis sercxante ion verdan, sed neniu verdajxo trovigxis. Post certa atendado mi decidis iri al la oficejo "Esperanta domo de Oslo".
Ankaux dank' al la klarigo de s-ro D ne malfacile estis la vojagxo enurba. La bileto de la trajno ankoraux validis por la auxtobuso. De la bushaltejo al la oficejo ni senprobleme piediris per la mapo, kiun mi elsxutis el la TTT-ejo de la oficejo mem. Ni tre gxojis, kiam sur la fenestro ni vidis la literojn "ESPERANTO".



Laux la mesagxo de s-ro D iu malfermis la oficejon, sed sed sed ho ve! la oficejo estis sxlosita. Cxi tie mi farigxis perpleksaj, senkonsilaj, ecx senesperaj. Dek minutojn mi cerbumis, kaj decidis reveni al la urbocentro kaj preni hotelon.
Tiam mia edzino kriis "Saluton!". Mi vidis blankharulon rapide alvenantan. Li estis ja s-ro D!
Ni logxis en la Esperant-domo tri tagojn.

いろいろありましたが、イタリア・トリノからノルウェー・オスロへ移動し、エスペラント事務所に泊めていただきました。
コメント

Kafo de Italio

2016-11-09 | En Euxropo


Mi preskaux cxiutage trinkas kafon, do ofte trinkis kafon ankaux en Euxropo. En restracio en Francio estis du specoj de kafo, granda-malforta kaj malgranda-forta. Mi sxatas malfortan kafon, kiun oni nomas ”American” en Japanio. En Francio precipe placxis al mi granda-malforta kafo kun tri-kvar kuketoj. Kafo kaj dolcxajxo tre harmonias kaj bongustigas reciproke, cxu ne?
En la 6-a de julio okazis kunvespermangxo de lokaj esperantistoj en Torino. Kolektigxis dek kelkaj esperantistoj inkluzive de mia edzino, mi kaj miaj francaj geamikoj.
Oni demandis min, cxu mi deziras kafon. Kompreneble mi jesis. La franco G intervenis: "Cxu vi deziras grandan aux malgrandan?" Mi respondis, "Grandan. Grandan kaj malfortan, prefere kun kuketoj". Mi plurfoje diris al iu frauxrino-esperantisto, kiu bone zorgis nin. Sxi mendis kafon por mi.
... Kaj aperis malgranda taso kun forta kofo sen kuko. Pensante, ke sxi ne bone komprenis min, mi denove klarigis al sxi mian deziron. Sxi tre komplezema denove mendis por mi kafon.
... Kaj aperis iom pli granda taso kun forta kafo.
Poste mi eksciis, ke en Italio ne trovigxas malforta kafo.

La foto montras te-pauxzon cxe mia svisa amikino.

イタリアにはアメリカンコーヒーがありませんでした。
コメント

Cxu vera?

2016-11-07 | En Euxropo


En la urbo estas la katedralo Torino, kie oni konservas la sanktan tukon, per kiu oni kovris la kadavron de Jesuo. Sur la tuko iale aperis la figuro de Jesuo.
Post la morto de Jesuo la tuko okazigis miraklon, ke gxi resanigis la regxon de Edessa (en Sirio), kiu suferis pro lepro. Poste la tuko perdigxis.
En la jaro 1353 oni trovis la tukon en Francio. Jam tiam oni ekdiskutis, cxu gxi estas malfalsajxo aux ne. De la jaro 1578 la katedralo Torino konservas gxin.
Ek de 1973 sciencistoj esploris diversmaniere, cxu gxi estas originala aux ne. Iu esplorado asertas "ne", alia "jes". Ankoraux oni ne atingis la finan konkludon.



Laux la esploro de la sangmakulo de la tuko la homo (Jesuo?) apartenas al AB-grupo.



Jen estas la vizagxo de Jesuo aperinta sur la tuko.



トリノ大聖堂には「聖骸布」(キリストの死体を包んだ布。キリストの全身像が映し出されている)が保存されています。
コメント

En Torino (2)

2016-11-02 | En Euxropo


Proksime de la urbo Torino trovigxas la monteto Superga. Ni kaj du esperantistoj supreniris sur la monton per almonta fervojo kun dentoj.
Sur la monto trovigxas la katedralo Superga, en kiu estas la tonbejo de la familio Savoia. Savoia regis la regionon Sardegna (norda parto de Italio kaj suda parto de Francio), kaj estis la regxo de unuigita Italio (1861 - 1946).



En la jaro 1949 aviadilo krasxis kontraux la muro de la katedralo. Cxiuj, la pasagxeroj, piloto kaj aliaj stevardoj, entute 31 homoj mortis. El la pasagxeroj estis 23 futbalistoj. La teamo "AC Torino" estis la cxampiono en Italio (en la ligo Serie A). Pro la tragedio ne nur torianoj, sed tuta Italio tre tre malgxojis.

トリノのスペルガの丘にはサボイア家の墓がある大聖堂があります。1949年に、サッカーの強豪チームがここで航空機事故によって全滅しました。
コメント

En Torino

2016-10-31 | En Euxropo


En la lastaj 10 tagoj de nia vojagxo ni vizitis la urbon Torino en Italio kaj la urbojn Oslo kaj Bergen en Norvegio. En la tri urboj mi ne havis konaton, do kontaktis lokajn esperantistojn per la Jarlibro de UEA.
De la 5-a gxis la 8-a de julio en Torino ni logxis en pensiono dank' al la bonkora zorgo de lokaj esperantistoj. Ni promenis en la urbo kun lokaj esperantistoj, kun niaj francaj amikoj, G.G aux solaj. Torino estas tre interesa urbo, havas propre specialan historion. La malnovan urbon karakterizas arkadoj.



Estis bongusta glaciajxo.



Ni vizitis la muzeon de Egipto. Gxi estas la due plej granda muzeo pri Egipto en la mondo. La unua estas en Egipto mem kompreneble. Estas multegaj ekspozicioj, kiujn mi tute ne povas prezenti cxi tie.



Tre interesa estas la muzeo de kino. Tie ni studis la teknikojn kaj historion de kino, gxuis diversajn eksponajxojn: filmoj, fotoj, afisxoj, reprezentataj pozejoj, ktp.ktp.



En tre granda bazaro mi acxetis cxemizon tre malmultekostan.
Pri la urbo Torino mi dauxre skribos.

イタリアのトリノには4日間いました。なかなか面白い街です。
コメント

En francaj Alpoj

2016-10-29 | En Euxropo


De la 1-a gxis la 4-a ni logxis cxe ges-roj G.G en la francaj Alpoj. Ni promenis laux la padoj en montaro, kaj gxuis tre belajn pejzagxojn, florojn.



Ofte ni vidis marmotojn, kiuj logxas subtere. Ecx sur la pado trovigxas truoj fositaj de marmotoj.



Mi montras fotojn de floroj.













フランスアルプスで見た花とマーモットです。
コメント

Floroj en la Alpoj

2016-10-27 | En Euxropo


Ni promenis en la montaro cxirkaux Grindelwald dum tri tagoj.
Hodiaux mi montras kelkajn fotojn de floroj sen komento.

















スイスアルプスで見た花たちです。
コメント

En la Alpoj

2016-10-25 | En Euxropo


En la urbo Grindelwald trovigxas turisma informejo-agentejo, kie mi acxetis tritagajn biletojn "Jungfrau vip-pass". La bileto estis multekosta, sed tre utila. Per la bileto ni povis libere uzi preskaux cxiujn ajn almontajn trajnojn kaj kablovagonojn.
En la 27-a de junio ni vizitis Jungfraujoch, 3466 metrojn alta super la marnivelo.



Kaj per trajno malsupreniris gxis la urbo Wengen.



De Wengen ni per kablovagono supreniris al la monto Maennlichen.



Ni promenis kaj gxuis belegajn pejzagxojn kaj florojn.



Laux mia plano de Maennlichen al Grindelwald ni rekte iros per malgranda kablovagono.
Kiam ni alpreksimigxis al la stacidomo de la kablovagono, mi vidis tri vagonojn malsuprenirantajn. Kaj ho ve! La stacidomo jam estis fermita. Estis 17-a, ankoraux tute hela, ne vesperigxis. Laux la gvidlibro de la trafikoj la kablovagono funkcias gxis 17:30. Sed en kaj cxirkaux la stacidomo estis neniu, al kiu mi devus plendi.
Ni haste revenis al la stacidomo de la kablovagono, per kiu ni supreniris. La oficisto certe vidis kaj atendis nin. La vagono estis la lasta kaj pro ni malfruigxis je 5-6 minutoj. Se ni ne povus kapti gxin, ni devus piede malsupreniri por du-tri horoj tra iom dangxera vojo.
Ni revenis la urbon Wengen, kaj per trajno al Grindelwald. En eksterlando cxiam estas aventureto, cxu ne?

メンリッヒェンに登った時、予定していたゴンドラの最終便に乗り遅れてしまい、あわてて登ってきたロープウェーに戻ってその最終便で下りることが出来ました。
コメント

Trafiko en Svisio

2016-10-23 | En Euxropo


En Svisio ni veturis per diversaj trafikiloj.
En la urbo Gxenevo tre bone funkcias auxtobuso, trolebuso, tramo kaj ecx sxipo.



Cxi tiu eta auxtobuso movigxas per elektro.



Rulsegxo facile enbusigxas kun helpo de la sxoforo.



Ni veturis de Gxenevo gxis la urbo Interlaken per trajno. La vagono estis duetagxa, kaj havis etan salonin.



Gxi havis ecx ludejon por infanoj.
La sxangxo de la trajno cxe la stacidomo de Bern estis tute senproblema, sed cxiam, kiam ni solaj, sen esperantista helpanto, ni havis etan aventuron.
Cxe la stacidomo de Interlaken ni elvagonigxis, kaj tuj poste mi iale rimarkis ke cxi tiu stacidomo ne estas la fino de la trajno. Haste ni denove envagonigxis. La stacidomo estis okcidenta Interlaken, tamen ni devis elvagonigxi cxe orienta Interlaken.



De Interlaken ni dauxrigis nian veturon per montgrimpa fervojo.
Cxe la stacidomo ni sekvis multajn vojagxantojn, sed oni ne permesis al ni envagonigxi. La vagonaro estis nur por la grupo, kiun ni sekvis senpripense. Post ioma vagado ni trovis la gxustan vagonaron.
Kaj finfine ni atingis la urbeton Grindelwald, kie ni restis dum kvar tagoj kaj ankoraux havis etajn aventurojn, pri kiuj mi poste rakontos.

スイスではいろんな交通機関を利用しました。
コメント