Mia patro (2)

Estas ne tre inde legi cxi tiun eseon, mi pensas. Sed la historio de mia familio estas eta parteto de la historio de Japanio, la mondo. Do ne tre malinde skribi tion, mi kredas.

Verdire mi ne multe scias pri la vivo de mia patro en lia juneco. Iam mi auxdis de li mem, ke li multe spektis rakugon (japana tradicia monologa komika rakonto) en la varieteejo "Osu" en la urbego Nagoya. Li ecx foje regalis tiaman faman rakugiston per luksa mangxajxo.
Lia familio bardaux malricxigxis, pro kio mi ne scias. Kaj li devis eklabori. Iam li estis taksiisto en Nagoya. Sed mi ne scias, cxu li havis auxtistan licencon.
Plej probable li tute ne, aux preskaux ne dronis en dibocxado kun virinoj. Li estis iasence sincera, honesta homo.
Supozeble kiam li estis cxirkaux 30 jara, li eklogxis en mia hejmurbo kaj ekhavis edzinon, eklaboris kiel fotisto.
Kial fotisto? Tiam lia amiko cxesigis sian fotistan laboron. Mia patro lernis fotistan arton de la amiko, kaj ricevis la foto-ilojn. Li luis domon, kiun li iom rekonstruis, faris fotejon (studion) kaj malluman cxambreton (ribelejon). Komencigxis lia nova vivo kun la edzino.
... Kaj okazis la Mondmilito.

Miaj patro kaj patrino

Mi aldonas novan kategorion "Eseoj"-n. Unue mi skribos pri mia patro kaj pri mia patrino jam forpasintaj.

Mia patro naskigxis en la jaro 1905. Pri lia familio mi ne multe scias. Li havis du pliagxajn fratojn kaj du plimalagxajn fratinojn. Certe mi havas ne malmultajn gekuzojn, kun kiuj nun mi preskaux ne havas rilaton.
La patro de mia patro (do mia avo) estis komercisto, ne malricxa. En sia juneco mia patro ne devis peze labori, vivis libere, multe hobiumis, kaj montris siajn talentojn pri ekz. bilardo, majxango, japana sxako...
Li gajnis la unuan gradon (dan) de japana sxak-institucio en sia juneco. Poste (laux li en lia 25-6 agxa jaro) komencis lerni goon, kaj baldaux atingis la kvaran gradon, foje cxampionigxis en la gubernio. Poste, en sia maljuneco li havis sian goo-ludejon, kie li ludis goon kiel sep-okgradulo amatora.
..... Mi tute ne heredis liajn talentojn.