Ｍ：毎日（めーなち）暑（あち）さぬ。
Ｓ：梅雨（ちゆ）ぬ終（うわ）いぐるやゆー雨（あみ）ぬ降（ぷ）ったんばーえっしが、最近や雨んぷらんとぅや。
Ｍ：夏（なち）ぬん盛いなとぅんばーえっしが、今年（くとぅし）や熊蝉（ワシワシー）ぬ鳴ちゅしぬいけらせーぬぐとぅやねんなー？
Ｓ：今帰仁ぬ家ーぬ庭木んかいやワシワシーぬ孵殻（しじがら）ぬゆーしがとぅーとぅ、去年とぅゆぬむんらんな。
Ｍ：あいれーがやー。地域にゆてぃ違いぬあいがすら分からんやー。
Ｓ：３年前えったがやー、用事（ゆーじゅ）ぬあてぃ奄美大島んかい行じゃんばーえっしが、うぬばーに加計呂間島んかい案内しちとぅらすぬ人（ちゅー）ぬ居（をぃ）てぃよ、島尾敏雄ぬ碑とぅか震洋はんくちゅたーぬ壕とぅか見学しちゃんばーてー。うぬばーに奄美大島やワシワシーや居らんでぃいうぬ話（ぱなし）聞ちゃんばーえっさ。
Ｍ：あいれんな。ヤマトゥにや熊蝉りち居んばーえっとぅ、ぬーりち間にあいぬ奄美大島にや居らんばーが？
Ｓ：うりまでぃや分からんしが、パブぬ居いぬ島ぬん居らーぬ島ぬんあいとぅや、アササーぬ分布ぬん島ぬ海没とぅ関係あんばーげーらやー。
Ｍ：あんちいーば、くぬめー奄美大島じ２メーター余いぬまぎパブ捕（とぅ）ったんりちテレビぬニュースじすーたんばーえっしが、皆既日食じ暗くないねーパブぬ出じりがすら分からんりち、注意しちゅーぬ場面ぬん流りてぃよ、日食ぬ合間（えーま）ぬ生き物（いちむし）ぬ観察んすんでぃいうぬくとぅえったさ。
Ｓ：去年ぬ夏（なち）に奄美大島んかい行じゃーぬばーに、田中一村記念館かい行じゃーとぅ、ちょうど日蝕に向きてぃぬシンポジウムしちゅてーとぅ見っちゃんばーえっしが、でーじな期待ぬまぎせーぬぷーじーえったんよーやー。いよいよ明日（あちゃー）えんばーえっしが、晴（ぱ）りりばしむしがやー。
Ｍ：あんすとぅよ。天気予報見ーねー、どぅく良い天気やらーぬぐとぅあいしが、うぬ時間びかーえってぃん、雲（くむ）ぬ晴りりばしむしがやー。
Ｓ：あんすとぅよ。太陽（てぃーだ）から月（ちち）んかい話（ぱなし）ぬ移（うち）ーいしが、今日（くー）７月２１日やアポロ１１号ぬ月（ちち）んかい着陸しちら４０年ないさやー。
Ｍ：なーあんちなんばーえっさやー。
Ｓ：わんや小学校３年生ないたしが、家人衆（やーにんじゅ）するてぃテレビ前（めー）なっち見っちゃし思（う）び出すーさー。
Ｍ：あがおばーやでーじな宇宙ぬくとぅ好きえったんやー。
Ｓ：夜中（ゆなか）までぃ起（う）きてぃテレビ見っちゃーくてーとぅやー。
Ｍ：アポロ１１号ぬ着陸すーぬテレビ見っちゃぬ夜（ゆる）におばーが月見上ぎてぃよー、わんがふーせーにーや月んかいやウサギぬ居んりちる親（うや）ぬ習すたーむん、人（ちゅー）ぬあままりー行じゃんりちやー、珍らさぬ、り言うたし思び出すさー。
Ｓ：アームストロング、オルドリン、コリンズりち名前いちまでぃん忘（わし）らんぐとぅ言ちゃっくたんやー。
Ｍ：１９６８年が興南旋風とぅ安仁屋が２３勝しち、６９年がアポロ１１号ぬ月着陸。７０年が万博えったんばーてー。うぬばーに月ぬ石ぬすんりちでーじな話題えったんよーやー。
Ｓ：２０世紀少年えっさー。
Ｍ：月や昔ぬ月やしが 変わてぃいちゅむぬや人ぬ心（くくる）
Ｓ：変わてぃならんしん、まんどぅしが。
Ｓ：梅雨（ちゆ）ぬ終（うわ）いぐるやゆー雨（あみ）ぬ降（ぷ）ったんばーえっしが、最近や雨んぷらんとぅや。
Ｍ：夏（なち）ぬん盛いなとぅんばーえっしが、今年（くとぅし）や熊蝉（ワシワシー）ぬ鳴ちゅしぬいけらせーぬぐとぅやねんなー？
Ｓ：今帰仁ぬ家ーぬ庭木んかいやワシワシーぬ孵殻（しじがら）ぬゆーしがとぅーとぅ、去年とぅゆぬむんらんな。
Ｍ：あいれーがやー。地域にゆてぃ違いぬあいがすら分からんやー。
Ｓ：３年前えったがやー、用事（ゆーじゅ）ぬあてぃ奄美大島んかい行じゃんばーえっしが、うぬばーに加計呂間島んかい案内しちとぅらすぬ人（ちゅー）ぬ居（をぃ）てぃよ、島尾敏雄ぬ碑とぅか震洋はんくちゅたーぬ壕とぅか見学しちゃんばーてー。うぬばーに奄美大島やワシワシーや居らんでぃいうぬ話（ぱなし）聞ちゃんばーえっさ。
Ｍ：あいれんな。ヤマトゥにや熊蝉りち居んばーえっとぅ、ぬーりち間にあいぬ奄美大島にや居らんばーが？
Ｓ：うりまでぃや分からんしが、パブぬ居いぬ島ぬん居らーぬ島ぬんあいとぅや、アササーぬ分布ぬん島ぬ海没とぅ関係あんばーげーらやー。
Ｍ：あんちいーば、くぬめー奄美大島じ２メーター余いぬまぎパブ捕（とぅ）ったんりちテレビぬニュースじすーたんばーえっしが、皆既日食じ暗くないねーパブぬ出じりがすら分からんりち、注意しちゅーぬ場面ぬん流りてぃよ、日食ぬ合間（えーま）ぬ生き物（いちむし）ぬ観察んすんでぃいうぬくとぅえったさ。
Ｓ：去年ぬ夏（なち）に奄美大島んかい行じゃーぬばーに、田中一村記念館かい行じゃーとぅ、ちょうど日蝕に向きてぃぬシンポジウムしちゅてーとぅ見っちゃんばーえっしが、でーじな期待ぬまぎせーぬぷーじーえったんよーやー。いよいよ明日（あちゃー）えんばーえっしが、晴（ぱ）りりばしむしがやー。
Ｍ：あんすとぅよ。天気予報見ーねー、どぅく良い天気やらーぬぐとぅあいしが、うぬ時間びかーえってぃん、雲（くむ）ぬ晴りりばしむしがやー。
Ｓ：あんすとぅよ。太陽（てぃーだ）から月（ちち）んかい話（ぱなし）ぬ移（うち）ーいしが、今日（くー）７月２１日やアポロ１１号ぬ月（ちち）んかい着陸しちら４０年ないさやー。
Ｍ：なーあんちなんばーえっさやー。
Ｓ：わんや小学校３年生ないたしが、家人衆（やーにんじゅ）するてぃテレビ前（めー）なっち見っちゃし思（う）び出すーさー。
Ｍ：あがおばーやでーじな宇宙ぬくとぅ好きえったんやー。
Ｓ：夜中（ゆなか）までぃ起（う）きてぃテレビ見っちゃーくてーとぅやー。
Ｍ：アポロ１１号ぬ着陸すーぬテレビ見っちゃぬ夜（ゆる）におばーが月見上ぎてぃよー、わんがふーせーにーや月んかいやウサギぬ居んりちる親（うや）ぬ習すたーむん、人（ちゅー）ぬあままりー行じゃんりちやー、珍らさぬ、り言うたし思び出すさー。
Ｓ：アームストロング、オルドリン、コリンズりち名前いちまでぃん忘（わし）らんぐとぅ言ちゃっくたんやー。
Ｍ：１９６８年が興南旋風とぅ安仁屋が２３勝しち、６９年がアポロ１１号ぬ月着陸。７０年が万博えったんばーてー。うぬばーに月ぬ石ぬすんりちでーじな話題えったんよーやー。
Ｓ：２０世紀少年えっさー。
Ｍ：月や昔ぬ月やしが 変わてぃいちゅむぬや人ぬ心（くくる）
Ｓ：変わてぃならんしん、まんどぅしが。
