驚喜

有雙波鞋年代久遠爛了, 又想買番那牌子, 見沙田有, 走一轉啦. 新城市廣場雖然少了遊客, 香港人仍不少.

晚上朋友約了晚飯, 去K11M, 即是以前的新世界中心, 現在重建起高了大了! 大堂的聖誕樹幾壯觀啊!





我們去一間意大利餐廳食Buffet, 都好, 待龍貓食多D菜.




最大的驚喜莫過於朋友專登整比龍貓的"龍貓蛋糕"! 那粒龍貓是糖造的. 0甘可愛點捨得食啊.

大閘蟹

龍貓的家人是不吃大閘蟹的, 嫌只有蟹膏, 他們情願吃大口大口的肉蟹. 以前試過在街市或超市買回家整. 今年在網上見有套餐, 約了同事去吃.

先來頭盆和蟹粉小籠包.



然後一人一隻, 個餐包一人3隻蟹, 2王1后. 公的大隻D, 但"后"D膏勁多. 他們的安排好好, 先吃一隻, 大家差不多食完, 才入紙起第二隻, 又差不多食完才來第三隻. 食完晒蟹才上其他菜.







這個不是炒糯米飯, 而是蒸, 又幾特別喎!



最後加埋甜品, 300多元, 好過自己煮. 還有, 不知不覺食左3個鐘, 我們笑話食暴飛都食唔到0甘耐.

一年食一次, 過下口癮啦.

SJ15週年紀念品

終於收到SJ 15週年紀念品, 見到實物, 更慶幸自己"all in" (即買晒成套), 幾靚.



個水晶球, 還是放在公司枱頭, 返工對得多D. 如果放在家, 又是在個"海"到.



又多兩個杯套, 不過這是Official SM出的, 要買. 哈哈.

Nakama fan meeting 1.5

本來今年年初已有新地圖的Fan meeting, 可是未開已開始爆疫, 後期全面中斷. 終於來個網上Fan meeting. 肥仔強調這個是1.5, 哈哈. 他們選了11.23, 日本是假期, 但就埋D海外Fans, 晚上九點才做!

他們經Abema TV 放送, 所以要先在Abema TV 登記一個Account, 才再去買飛. 新地圖Fans, 大多"有番0甘上下年紀", 賣飛的流程已經出左一個詳細的Email, 遂個Step的教你點去Abema TV登記, 然後再買飛. 之後又再出Email, 教大家試睇, 可能是有人睇唔到. 龍貓都拿拿聲試.

兩個朋友仔話"龍貓, 可不可以去你家一起睇?" 當然可以啦. 之前SJ 已執好個廳, 有位招呼朋友啦.

因為之前已預左有FM, 已有商品賣. 今次買飛, 會有一個"Cousun"送, 不過只寄日本. 0甘海外Fans? 如果你有日本地址, 可以寄比你, 0甘易啦! 之前SJ時朋友仔留下裝飾汽球, 15(15週年), 加一點便可以變為"1.5" 啦! 哈哈.





一開始某剛便騎了電單車入場, 型到呢!



他們在一個舞台劇的場做的. 肥仔, 你是不是又肥左?



上年FM有和Fans玩遊戲的環節, 今次沒有現場觀眾, 沒有了玩遊戲環節, 於是加個人Solo啦. Yeah! 又見到某咭他剛!!



他們的衫全是名牌, 上年是"比爆你", 今年是Gucci. 這套衫, 係某剛著得最好睇. Goro太瘦, 肥仔..... 爆花! 哈哈.



個台都好靚!



最終1.45 小時, 仲長過上年.



只希望下年會有機會見真人.

志蓮淨院

差不多每星期都會在鑽石山搭村巴回家, 在旁的志蓮淨院卻一次都沒有去過. 趁朋友去英國之前, 又做一次"本地遊客".

在荷理活廣場集合, 朋友要先吃早餐, 於是熟門熟路的帶隊. 話晒這個場都熟地頭.

志蓮淨院不是好大, 不過好金璧輝煌



然後行去對面的南池蓮池. 真係唔知個公園0甘大!!



有一個"石"的館, 見到這塊大石, 有朋友話"好光滑, 坐上去一定好涼快." 為食龍貓見到"好似燒肉啊, 仲要係燒得好味的." 哈哈.



天氣非常之好, 藍天白雲多漂亮.



園內好多樹, 這個休息的地方令我想起"國超".

又一年的生日

上年的11月過得很豐富, 今年? 平淡如水啦......

同事們送的生日蛋糕.



舊同事知道龍貓的至愛, 專登訂一打比我.



剛巧收到東海生日頸錬, 就當是自己的.



生日完全沒有約, 如常的去畫畫, 下午上了一個網課, 晚上買了件蛋糕比自己.



經過這一年, 已知"平淡是福".

換衫

之前在網上見到15cm的Wink海, 好可愛. 15cm得東順銀子, 無"仔", 在微博幸運地有人原價放. 收到之後, 嚇了一跳, 是"裸娃", 東順的全是裙子, 拿拿聲去淘寶買衫比Wink海.

這套有點太可愛.



有人放"生日衫", 0岩啊!



另有一件連帽衫, 型喎, 而且平, 於是, 買埋比"一家大細".





成家連帽衫, 型!







都話娃娃世界係好大的啦!

陸續有來

上星期FM時朋友問"他們本Photo book幾時出?" 什麼Photo book? 啊, 那兩天太多資訊, 真的Load不及! 而且未話賣未留意.

終於前日出左消息, 又是在各大平台有得賣. 剛巧網上平台Gmarket做緊Mega sales, 有好多Coupon, 於是下午不停試怎樣買最抵. 在SM Town, Ktown4U都貴, 因為運費要用EMS, 差不多是件貨的價錢. Gmarket的店可以用SF Express, 而且做緊優惠, 平起碼一半(比起EMS). 計完, 在IG見有人Post出來的平過我計到的, 即問她用什麼Coupon. 原來有個Coupon 隱藏左. 終於本來要$380一套的, $300搞掂, 差不多是韓幣原價, 但已包了寄回香港!



怎知放工搭巴士回家時另一朋友打來, 話"原來有個零時搶的半價Coupon可以用到!" 唉, 算啦, 已經買左. 雖然這個半價後是可以$220, 相差$80.

另外, 這Photo book的內容, 一睇, 1,144P? 一千頁? 0甘重手? 會唔會P=Pictures? 後來再望下其他物品, 啊, 明晒! 係Photo book 1, 1本. 144P 144頁, 0甘就Logic 喇!



龍貓以為是因為成日睇數字用慣左"," 為"千位"才睇錯, 原來都有人睇錯, 以為有1144頁0甘爽! 哈哈.

小老虎

畫完豹, 又想畫老虎, 特別是近期在Twitter Riko-san 映完雪豹Uri, 映了不少3只小老虎, 好得意!! 這只小老虎拿到一條木好似好威0甘, 好可愛. 老師話隻老虎個型好, 可以畫.

因為相片和畫唔同, 首先背景不用仔細畫, 不然會搶了老虎. 相中的老虎背後好光, 畫出來要加番多些色.

掃毛都好好笑, 第一次畫完, 老師話"D毛有D太長, 現看上去佢好似濕水毛0甘." 哈哈, 又係. 最難畫是雙眼, 不可以畫得太精靈, 要矇矇地. 原來就是不可以畫太大, 而且要"鳳眼". 啊, 原來上次的豹有點"卡通"是雙眼太大. 畫動物要注意比例, 我這小老虎個頭都有點大左.






早上返工個天D雲好靚, 忍不住映了一張相, 本來覺得似在麵包店成盆的甜餐包, 後來經過麵包店...... 啊! 菠蘿包!

米埔行

前陣子同學仔搵到這個米埔行, 要報名參加的, 因為米埔屬於邊境地方, 要有許可證出入. 當時龍貓舉手話好, 因為未去過. 幸好因為不想改畫畫堂報了星期日, 如果是7/11..... 撞SJ FM.......

不過要晨早起身..... 最正是..... 我大野飲拿去!! 哈哈. 其實龍貓已經是最近的了, 同學仔們在港島. 最好笑我們一直以為是有人帶的團, 原來Check in完, 比個地圖你, 自己行!!! 我們租了個望遠鏡.



之前對這行程沒什寄望, 以為是"行下郊外", 見到都是漁塘, 原來, 都好有趣的.





有間"觀鳥屋", 有Staff set 了望遠鏡, 可以好清楚的望著漁塘的候鳥. 那Staff又會介紹你望到的鳥是什麼種類.





經過一個蓮花池, 哈哈, 有D "莫奈" feel!



MON草其實好粗生, 這樣可以扮去左韓國(上年去睇演唱會時順手去睇MON草).







行下停下影相, 不經不覺行了超過3個鐘. 還經過邊界.



行完同學仔提議出元朗午飯, 怎知出名那間酒樓多人到呢..... 在附近搵了間泰國餐廳食完走人.

連續3日, 在沙化坐住下已熟睡!