Beyond the Super Show

因為疫情全世界停擺, 無得周圍去, 不可以聚大班人, 娛樂事業好大打擊. 工作上大家用網上開會, 網上上堂, 那麼..... 網上演唱會又得唔得? 當然可以!

SM勁, 第一個搞網上演唱會, 要比錢的! 付了款到指定日子, 經過特定的平台, 入Password便可以收看. 還要預了有人會錄, 不可以Capture screen, record screen, 投screen都唔得.



幸好事先準備, 在家試下, 沒有投Screen, 用HDMI線連上都唔得. 唯有成部電腦拆出來帶去朋友家, 哈哈. 亦事前準備好手機和平板, 到時用.



龍貓約好幾個朋友去其中一人家看. 個Apps本來仲可以用藍芽Pair埋枝燈, 到時會"場控"轉色, 不過唔知係唔係我們站得遠又周圍郁, 都不是成日Pair到.



事先他們選了150人, 到時有機會被選中和SJ即場傾計, 我們笑"不用了". 另外, 又好絕的有"個人鏡頭", 於是, 如相中, 一字排開不同成員的個人鏡頭.



一張"觀看券"可以同時兩部機看, 然後之後有"VOD"可以回看, HK$300左右一張飛, Ok啦.

演唱會只是兩個小時, 所以他們Talking時, 我們話"唔好講喇, 快D唱歌". 兩個小時轉眼便過, 好唔夠喉, 而且, 講真, 那"個人鏡頭"沒有成日望, 太掛住看主畫面了. 希望之後的回播有得睇埋個人鏡頭.

本以為他們在Studio內唱的, 因為周圍只是CG映像. 後來在另外的節目中, 才知他們是在某演唱會場地搭個台認真做的. 因為他們都要用LED Sreen. 不過SM一次過有5個團做這網上演唱會, 山大斬埋有柴. 以Super Junior 這次計, 實時有123000人觀看, HK$300一個, 3千萬!!

未來的日子, 網上演唱會是一條出路啊!!

Super Show 8 Photo book

臨放假收到email, 韓國有貨收, 我買了什麼? 啊, Super Show 8 photo book. 前幾日在網上已有人收到放了相出來, 大家都勁讚, D相好靚. 其中送兩張小Cards, 哈, 忙內Line~ 走不甩金小萌......



幕後相大大張Jerry - Total stage producer, 舞台總監, 勁! 他真的很用心. Total stage producer? 怪怪地, 不是Chief/Main stage producer/director?



另外童哥是音響總監, 又係勁!



這張人疊人好記得, 大家玩到顛.



現在役情這樣, 他們不如快些出Super Show 8 DVD 啦.

Golden week節目巡禮

日本Golden week, 可是"緊急宣言"政府勸導大家不要出街, AVEX竟然連續3日每日在YouTube播一個Super Junior 的演唱會, 30分鐘左右.

第一天是KRY, 正!



第二天是2018年的D&E 日巡, 龍貓明明已有隻碟, 仍忍不住映電視, 好不白痴~ 這段應該是之前在街播的那25分鐘. 睇番, 金髲李總和長髲李海真的無得輸!



第三天是Super Show 7, 又是明明已有碟. SS7東京龍貓更多回憶, 估不到是SJ帶龍貓回Tokyo Dome, 第一次識到SJ朋友仔, 好耐無因為買Goods排長龍, 曬爆頂, A14, 仍有金希澈, 第一次睇金小萌......




另外SJ Returns又來了, 今次又玩新花樣, 每個月付大概$70便可以早兩星期, 而且是一次過的睇一集. 如果唔比, 就要在18/5開始, 隔一日, 分6次才可以看完一集. 唉, 錢係要比的.

睇完第一集, 完全值, 特別是其中李小虎好"放題", 可愛到爆! 最後那段扮其他成員最好笑, 各人平時都有觀察其他人的舉動, 所以扮起上來好似! 最好笑東海話"我沒有那麼誇張化?" 有啊!! Jerry和始源真的好抗打, 東海一興奮就出手打人!



因為大家要比錢睇的, 在網上講明唔好亂Post, 唔好"益人". 付了款可以不停重播, 所以都抵啊.

就這樣, 龍貓就在電視前過了Golden week, 哈哈~