迎月夜

又一段日子沒和朋友聚, 趁中秋節約了去朋友家聚, 而且懶煮, 每人準備一些.

龍貓即搵相熟的"雞店"老闆, 買一隻頭抽豉油雞, 他又加了煎腸粉落去, 又是, 雞沒有食晒但腸粉已搶光!! 原來煎腸粉吸了豉油雞汁是非常美味的!



老闆另外的名菜是客家咸雞. 叮! 手撕雞肉, 底加青瓜, 加麻醬, 好好味. 龍貓在網上看到, 麻醬自己加少少白醋, 加一匙糖, 一匙麻油, 比起原來的麻醬更美味! 龍貓還拿了些芝麻放在上, 哈哈, 起碼賣相不俗!



同學仔搵了她媽媽出手.



亦煮了蘿蔔牛腩, 超級好味.



又飲飽食醉的一天.

睇人打機

網上打機龍貓一向唔識, 之前Jerry和希澈玩過兩回. 今次竟然搵來D&E來玩, 正啊, 最想睇東海如何輸掉然後丟手機!! 他曾在另一節目玩GAME拍爛了希澈的Mouse!

這個節目我們都可以上網看, 而且就是不參與一起打, 都可以比錢買禮物送比參加者, 禮物是例如"加油器", 待他跑得快D...... 還有, 隔些時間便抽獎, 獎品是他們簽名的即映即有相. 所以, 龍貓都胡亂買了些禮物搏抽獎, 當然, 沒有0甘幸運啦.





遊戲是幾個人一組, 然後有幾組, 一起玩殺敵遊戲, 即是要開槍殺人啊! 第一Round兩位小朋友不太懂玩, 東海一出30秒就比人殺左! Jerry 多些時間, 一分30秒!! 哈哈. 但是因為其他Teams未死, 要等有一Team人勝出才再玩, 於是兩條友無無聊聊, 吃零食, 廢Up下..... 哈哈, 可能更好, 對我們而言, 好過看到他們低頭打機.

不過殺人遊戲唔係0甘0岩他們玩的, 有一回東海終於槍殺了一個對手, 他大叫"我殺左人喇." 好驚0甘..... 我們東海是天使嘛!! 所以他們兩個都好快"死"然後在一邊觀戰.



這個節目最後, 付款買禮物最多的10人都有他們簽了名的即映即有相, 最Top那個還有一張他們寫的小Card. 估下最Top那個比左幾多錢?

好好笑, 好真

前陣子宮崎駿工作室發放了一大批畫稿免費讓大家Download. 有創意的網民便來個配字幕, 不同的場合不同的版本. 其中關於Fans, 追星的, 真係好真!!!

繼續蛋餅

上星期買的薯仔煮淨一個, 昨天用埋, 又來弄蛋餅. 剛巧買了罐新出的長城牌芝士午餐肉, 不如加落去?

所以好厚好大件......



加左午餐肉無0甘好食, 可能係D午餐肉不太好吃, 有芝士反而有些"穌"味, 還是"齋"的蛋餅好食.

娃娃的世界

自從買了東海娃, 大件事, 娃娃的世界可以好精彩, 淘寶好多野買..... 小至衫褲鞋襪大至娃屋都有.......

繼20cm李小海, 15cm東順和銀子, 前陣子買了的10cm豆海亦收到了.

龍貓買了睡衣和床舖給李海一家, 哈哈, 幾十歲..... 咪話我變態!



李小海有人陪睡了.

萬用蔥油醬

網上節目教了一個蔥油醬, 拿來煎豆腐, 好味到爆!



叮, 除了煎豆腐, 這醬應該可以..... 肥牛芋絲.



或者炒排骨



雞肉炒飯又得



星期六拿來煮粉絲薯仔韓牛, 非常得!



萬用蔥油醬 : 一條大蔥(長蔥/京蔥), 半個洋蔥, 一條中國蔥, 一些切粒, 一些切"段"(保持口感), 加一湯匙糖, 一湯匙蒜蓉, 一湯匙麻油, 兩圈豉油, 一圈老抽, 加水拌勻便可. 我加一條青瓜, D青瓜好好味. 用樽裝起來, 煮時兩三匙便可, 好味加方便. 現在雪櫃有一盒, 還弄了一樽比老媽, 教了她用.

雙胞胎?

收到D&E的碟, 好多野, 已經不再是為了隻CD.



今次算好彩, 海Card一次齊左, 赫Card邪爆, 在3個不同的地方買, 各2隻, 可以拆出1+5! 即是只是兩款(共有5款的), 有一款有5張!!! 同一個Source買如果賣家唔洗牌, 就話易拆出同一款, 因為雖然他們都不知內容, 但可能成箱都是同一隻款. 0甘賣比你, 你要10隻咪就0甘在同一箱執10隻比你, 就好大機會同款. 所以我們買會分開唔同店去買, 而我0甘都可以1+5, 係咪好邪?!

雙人Card都有少少邪, 5款只開到3款, 有兩款都是沒有.



還有一批買了未收到, 聽聞是雙人封面的斷了貨, 唔夠貨賣, 0甘都得?


另外, 第一批仍未收晒貨, 昨天竟然話月尾出一隻Special!! 多兩首歌!! 即時想講粗口! 又是3個封面3張海報8張小Card, 玩死!! 仲要完全未有相(未有版比你睇), 現在買我們笑是買"盲盒"! 大家都話"識印銀紙都印唔切!"

唉, 講完粗口, 咪又拿拿聲去訂貨! SM就是知你係Fans一定會買, 仲唔搶錢?




D粉好抵死, 在網寫"本以為是四胎BAD女", 原來來對"雙胞胎"! D&E粉話他們第一隻碟是頭一胎, 第二隻是二胎..... 所以今次第四隻是四胎.

Super Junior 大隊好興出完一隻, 一輪之後出多隻, 加兩三首歌, 叫"Encore version", 不過起碼兩個月後. 今次D&E 0甘快就出Special version 真係"雙胞胎".

西班牙蛋餅

無得周圍飛又要Home office, 流行在家簡單料理, 前陣子有人教弄"西班牙蛋餅", 原來好易整.

之前試過一次, 可是蛋不夠, 而且事前沒有先弄熟一下薯仔, 又貪心的大大塊, 搞到個蛋餅唔係好熟. 今次Learn a lesson, 先炒薯仔和洋蔥, 而且用3隻蛋, 哈哈, 靚靚的蛋餅完成, 加茄汁好好味!

TEMPUS

六月尾同學仔有張相是"welcome July", 很喜歡那夏天的感覺, 於是跟畫畫老師講想試下, 還打算改少少, 加TEMPUS落去用來賀TEMPUS周年紀念. 怎知起完稿, 因為疫情爆發, 老師要停課, 還要一停停了一個月, 過了TEMPUS周年才復課, 唔緊要, 繼續畫落去.

今次重點是透明的海浪和海底. 初時想像不到要如何畫, 原來自己畫陰影把海底畫出來, 而且不可以重手, 要輕輕的掃. 有一回太重手D浪太勁, 要抹去再來過. 終於完成, 很高興又學到野!



星期日無聊在家, 把畫拿來映下相.



這幅Harmony是自己畫的, 好明顯差D, 不過喜歡"東海"沙堆, 幾似沙堆, 哈哈.



TEMPUS趁D&E出新碟, 先出一件短袖, 是慈善的.



然後BAD又出一件特別版, 還要在節目齊齊著, yeah!