2020.2.29

2020年的2月29日, 可能是近年比較特別的, 在於, "武肺"周圍爆.......

上畫畫堂, 終於畫完"小王子", 龍貓的SJ動物系列, 哈哈. 畫了大頭虎(東海), 花獅子(赫), 考慮畫長頸鹿還是大象, 老師話長頸鹿好D. 中途插隊畫了"2020", 又用時間畫新年畫, 又去左玩...... 總之這張好似畫左好耐. 啊, 這畫還有一個經典, 原畫是在網上找的, 有一次手痕, 刪左張原畫, 然後, 搵唔番!!!! 幸好有一次畫時, 老師叫我搵一幅型態差不多的長頸鹿, 才可以畫下去. 所以後來是"創作", 哈哈.

畫動物要學的是比例, 有少少出入便會望來望去都覺得怪怪地. 另外要有"肌肉", 毛皮的光暗亦很重要, 比起大頭虎和花獅子, 畫這"小王子"學到更多. 為何是"小王子"? SJ金厲旭最喜歡長頸鹿, 而他是"小王子", 哈哈.



之後畫什麼? 仍是動物, 老師話"有難度的"..... 挑戰!

放自己一個假

上星期去了日本, 放自己一個假, 在香港好Stress.

1. 10/2 - 朋友仔11/2生日, Bistro J_O 10/2晚上有位, 高高興興食番餐. 不過, 個餐又細份左, 好在今次D麵包要多D, 才"0岩0岩"飽.
2. 11/2 - 跟朋友去了Shibuya Scramble Square, 就在JR旁. 天氣非常好, 萬里無雲一個大藍天, 大大的富士山在眼前, 好幸福! 難怪上次肥仔去完大力宣傳"一定要上"!
3. 12/2 - 去了Donki, Tower Records, 買了兩隻SJ韓專回去, 竟然非常幸運的得到Bright版小海吊牌, 朋友話很難有.
4. 13/2 - 在網上見到多摩動物園, 想去看看那雪豺. 原來不難去, 而且成個站都是Saniro Hello Kitty, 一出已好開心. 平日的動物園人不多, 口罩都不用戴!
5. 14/2 - 晨早搭新幹線去福岡, 上車不久已爆睡, 哈哈. 到福岡跟兩個香港朋友會合.
6. 15/2 - 晨早去排Concert goods, 不過人不多. 主力買"貼紙", 哈哈, 8卷其中有D&E, 算好彩. 朋友仔買了4卷, 3卷E, 一卷大雲, 我們幫她"買起", 好好笑.
買Meet & greet 碟, 之前話要買Jerry封面, 怎知去到Counter "我要東海"! 得到馬始Card, 朋友得到小萌Card, 和我交換. 剛巧旁邊有個女仔拿著東海Card, 朋友叫我問下, 原來她想要小萌, 即交換, 太好了! 咦? 我不是要買Jerry嗎?
個場比澳門大, 不過仍很OK. 我們的位是Stage side, 所以有一半是睇唔到.
7. 16/2 - 無目的, 去朋友酒店旁的商場集合. 天氣一下子冷了, 勁大風. 今天仍是Stage side位, 不過"出"少少, 睇多少少. 因為是下午場, 晚上可以一起吃個飯. 然後回酒店好好收拾, 回家了.
8. 17/2 - 去到機場, 經過KEL的入口, 咦? 有西裝友有Fans, 不多人, 20人都無, 我又未有得Check in, 當然人等我又等啦. 等了不久, 特哥, 金小萌和圭賢從車中出來行入來! 嘩! 東海早上已走了, 所以沒有專登安排去機場"撞"他們, 怎知真的"撞"到. 哈哈.

在日本, 初時搭車都不是太多人戴口罩, 後期返工迫人時才個個戴口罩. 路上戴口罩的人亦不多.

不過近日社區爆發, 要小心點了.

只希望3月中那一轉去得成.......

火爆龍貓

龍貓平時笑臉迎人, 其實惡起上來大家都會怕, 而且會好火爆.

近日, 本來過新年不應0甘火爆, 但我們個垃圾政府, 真的令龍貓爆晒粗口!

近日的"武漢肺炎"令到全香港人在撲口罩. 龍貓好好彩, 在1月中同事已話"快D買口罩", 在網上買了, 1月中去日本時亦買了. 回來後已不斷加價...... 年三十晚臨放工幸好買到一批, 由朋友幫忙轉送由日本送回香港, 上星期收到貨. 可是, 周圍的人都在搵口罩. 日本人尚算有良心, 賣了比你的一定比你, 不似某些韓國公司, 如果有人高價買, 他們就是收晒你錢, 未寄出都突然Cancel你張單, 退番錢比你. 搞到你明明買了一批, 可以突然比人Cancel左, 無貨! 所以大家便慌張地周圍去搶口罩, 搞到人心惶惶.

另外, 因為新年假期, 很多郵件都塞住, 而且多了人寄野(口罩), 搞到郵政大塞車.

大家0甘撲口罩, 個垃圾政府比人爆有很多存貨, 可是一個都無免費派出, 反而比人知道有人暗中買賣. 然後叫人不用戴口罩...... 又話有周圍搵口罩, 係我們市民, 你們咪計入去.

今星期郵遞好左, 多了私人公司收到貨, 有不少公司賣口罩, 都是香港人幫香港人, 不是這垃圾政府!

另外唔封關, D大陸人來了, 最慘是他們會去醫院睇醫生, 醫院已人手不足, 設備不足, 還要多了人來, 所以醫護界罷工我支持! 有人話"做得醫生護士唔可以選病患", 係, 但設備不足即是埳人於危險, 如果那是你朋友, 你親人, 你講得出嗎?

今日陸續有地方感染出現, 好喇, 唔使封關啦, 自封!

有些公司實行Work at home, 但亦有不少公司要照返, 唯有勤洗手, 自己小心點. 唉.