東海從未開過生日會, 主要是他有點"怕羞", 平時大隊或D&E, 都有人做主持, 他只講自己那Part. 有時要他講, 他反而走掉! 所以他開生日會, 一定要去.
門票一定要是會員, 而且Fans說查得好嚴, 基本上轉不到比其他人. 拿票時除了對名對Passport對樣子, 還會問你一條問題, 例如生日日期, 登記的電郵地址. 有個朋友因為Passport樣子跟現在個樣有點不同, Staff要她即時用手機登入. 我見旁邊有個女仔個Staff要她寫出個Email, 她寫不到, 有點可疑. Anyway, 因為個個都要問問題, 搞到遲晒才入到場.
生日會亦遲了15分鐘才開始, 因為仲有人未入場. 場不大, 1000人左右吧.
東海Tee西褲乖乖仔的樣子出來, 又話穿西裝, 叫D Fans穿婚紗? 唔好講笑, 真的有人穿婚紗或戴頭紗.
其實龍貓唔識韓文, 好多都唔知他講咩. 不過有環節他介紹自己映的相, 講講下都Get到他講什麼, 幾勁, 我話我.......
中途特哥打電話給他, 問他搞唔搞得掂, 他即時話"你幾時來?" 心空(特哥的小狗)在吠, 特哥話"我來不了", 不過擔心小朋友. 然後其他成員都錄了片給他, 最後是Jerry!
喂, 為何在浴室無著衫的? 我們已尖叫到拆天! 他最後話"不要在我不在的時間開心", 然後, 突然出現!! 哈哈, 東海真的不知道他會出現, 完全呆掉定左! 我們, 又繼續叫到拆天啦!!
Jerry話他是來幫東海的, 他送上禮物. 東海問"你買的?"
"是, 我自己去買的."
"我不信." 東海要Jerry拿手機給他看他簽帳紀錄, 好搞笑.
Jerry拿出一條桃紅色的頸巾給東海, 東海在袋中拿出另一條青綠色的, Jerry話"我的, 這是Couple", 嘩!
Fans起哄叫Jerry幫東海圍上頸巾, 當然之後東海又幫Jerry圍上, 還要映了相. 東海說今周末他們去東京時要一起戴來認證, 好啊!
另外Jerry又送了一袋化妝品, 說是給東海媽媽的, 多謝她生了東海. 喂, 0甘似"過大禮"? 不過最好笑他臨走時在那化妝品袋拿回一小袋, 說是Samples, 他要用!
李倆好野! 大家都想Jerry出現, 不過不知他們會不會怕羞. 果然, 真朋友是不理什麼的, 有東海一定要有Jerry.
之後東海播了一首歌, 再講下野, 抽下獎, 個半小時便完場了. 雖然很短, 可是非常值得.
最後走時每人有兩張東海的相, 寫上"多謝"簽了名的.
後來再看Fans的翻譯, 他有話為何他肯開生日會, 因為他把生日會定為"為Fans開生日會", 他生日時收到大家的祝福, 所以他要在生日會中把他的祝福送給Fans. 他在七月已好好計劃個生日會要做什麼.
送他走時他先行一圈跟Fans揮手講Byebye, 上了車又兜一圈揮手, 好暖!
參加完生日會, 更覺東海對Fans好真心, 其實大家唔識大家, 但他真的很想多謝大家對他的好, 對他的愛護. 他真的好善良.