執屋

近期疫情爆發第二波, 周末連畫畫課都要暫停, 無所事事的龍貓的起心肝, 完成(其實未完成)2020年初立下的目標, 執屋. 一個人住的"唔好處"就是空間多, 我又有一間"吉"房, 往往都可以"眼不見為乾淨", 塞入間房便可. 可是, 自從追埋Super Junior, 又是買買買, 雖然比以前SMAP少野, 仍是多了一堆..... 唔係辦法, 於是趁星期六日可以一條氣的執屋.

最要清的是錄影帶. 以前恃住屋企有位, 連朋友不要, 其實自己都有, 的錄影帶都接收埋! 還有很多書, 都是不會再睇的了, 狠狠的掉. 終於清出一大堆. 幸好問到同學仔的舅父幫忙, 搵人來收走, 於是床下底的三大箱帶都一次過清理掉.



來收的叔叔問"仲睇唔睇得的?" "唔知, 因為連機都無咯." 而且, 叔叔, 日文無字幕的..... 可能他以為可以再賣吧.



跟朋友講開, 她話"唔捨得", 在於以前比左好多錢去買...... 係, 我們成日笑, 如果唔係追星, 可能可以買多一層樓了!



除了錄影帶, 書, 其實仍有不少演唱會Goods, 雜誌, 仍未清理. 遲下先算.......

執屋還找回一大堆相! 連中學時代的都有. 這張是龍貓在學最大的Achievement, Head prefect, 哈哈.



另外又搵到以前去睇演唱會的相. 這張, 好記得, 當年札幌, 食完飯在酒店旁是一間Toyota Car rental, 當年亞剛是代言人, 剛功有張宣傳的旗. 我們狼到趁入夜人家店已關無人, 高妹朋友一手幫龍貓扯下來拿走....... 現在見面有時仍會舊事重提, 哈哈.



當年睇演唱會除了Con, 一大班人飲飲食食都好開心! 其實都好有趣, 大家"三九唔識七", 無啦啦就識左, 相約去睇Con, 一識20年, 好神奇!



後來又識到另一班朋友, 這次11月才做Con, 好記得好鬼凍, 又戶外大風吹, 凍到呢....



回想番, 睇SMAP演唱會, 追他們的那些年, 真的好開心!