新年快樂

新年快樂!



龍貓的"2022", 副題是"龍虎豹", 哈哈.



2022.1.1 沒有出街, 在家畫畫, 畫水彩可以不用攤開0甘多野.



SM Town 又有免費網上Concert, SJ有一Part, 好過無啦. 李小虎, 你快同我去醫番好雙腳, 咪要大家擔心你.

白髮海

說時遲那時快, 今星期已變為白髮海了. 看上去仲細左, 成個靚仔0甘! 邊有人信黎緊生日這小朋友已35?!

自己整咸蛋

在某韓國綜藝節目中, 那大廚把蛋黃放在鹽中, 放了10天, 便成了咸蛋黃. 上網Search, 真係可以自己整. 一直知咸蛋是鴨蛋, 但唔知那兒有鴨蛋賣, 原來用雞蛋都可以的, 只是鴨蛋薄些易吸鹽, 所以用鴨蛋.

剛好特價買了兩排蛋, 就用一排做實驗吧. 跟網教的先煮鹽水, 雞蛋用白醋加水水浸, 白醋可以令蛋殼變薄, 又可以殺菌. 另外, 入樽前每隻蛋再碌一次料理酒, 然後放入樽, 放在陰涼處.



大概30天, 哈哈, 真係Ok 喎, 個蛋黃實實地, 而且都夠咸.



即時整個咸蛋芥菜排骨湯.



另外又嘗試直接放在鹽堆中, 唔係好得, 蛋黃未夠實. 還是用鹽水成功.



其實咸蛋唔貴, 係貪得意試下, 同埋自己整可以健康少少, 無0甘咸. 哈哈.

水彩畫

昨天假期在家, 又畫下水彩畫, 又畫下老虎仔. 畫眼是靈魂之窗, 最後點個白點落去即時唔同晒.

粉頭

D&E在準備他們的新碟, 前陣子映封套拍MV, 傳聞東海染了頭髮, 因為赫染得太多頭皮傷了, 不能再染, 於是今次東海來.

上星期的D&E 他包實個頭, 睇唔到是什麼顏色, FBI ELF看到似乎是粉色.



今星期他們上認哥, 東海一出場, 大家V嘩鬼叫, 粉紅色!! 還要是壞孩子打扮...... 另一方面赫是乖乖打扮, 哈哈. 如果真係有這樣的學長/弟, 我日日去捕他們, 哈哈.



原來唔只粉紅色, 個邊邊仲有紫色, 仔, 你去得好盡.



只有東海可以叫到赫著TEMPUS. 他們著上新款, 赫那件啡色好Ok, 等佢減價考慮下先...... 主要是已買了不少.

四個月的暑假

四個月沒有返工做了什麼? 沒有返工不過仍有自己的Jobs的, 不是真的"無野做". 因為搬了一些東西回家, 另外, 一直不太想在房工作, 二話不說先去Ikea買張枱放在廳的一旁, 把電腦搬出廳做Home office. 本來朋友叫我執好間房, 不要再做儲物室, 但執房的工程太大了, 還是動個廳易D......

初期都有時會回公司拿信, 和同事食下飯, 後來有點懶得回去. 而且後來已決定把要搬走的箱先送去朋友公司暫放.

在家工作的好處是, 可以睡到9點才開工, 不過變相比藉口自己夜睡. 因為疫情網購多了, 以前會送去公司, 現在會安排在旁邊商場的Circle K取件. 於是夾0岩時間便去食個Late 早餐, 當埋午餐. 頌安商場某荼餐廳, 同樣的火腿通粉加炒蛋多士加杯咖啡, 早餐和茶餐的價錢是$35和$50! 有時要下午才出去, 便去食下午茶, 哈哈.

之前未熱會由屋企行去市中心的商場, 但夏天來了, 便去搭村巴, 懶虫.

沒有公司同事, 唯有自己去稅局. 講起..... 有一次撞正落雨加書展, 由地鐵去稅局的橋多人到爆. 現在暫時都要自己去稅局, 不過在隧道口, 搭巴士, 可以一個鐘內來回, 超級快!

Home office初時覺得Ok, 後來手頭上D Jobs清得八八九九, 又懶唔想執屋/去街/畫畫, 便無無聊聊的坐在沙發掃手機, 坐坐下覺得有點浪費自己時間0甘...... 所以後來老細話個Office Ok 可以返, 即時安排返工. 返工可以同人食下飯, office又有其他人, 出下街, 人都有活力D, 真的.

話0甘快就放左自己四個月假.

D&E Show

前陣子D&E傾到一個電台節目, 4月中開始, 最初是星期四至日, 下午4至5點. 雖然是電台, 用手機Apps是"有樣睇"0既! 仲要係"生放送"! 在於我們為粉是天大喜訊啦. 其實又不是真的日日生放送, 兩日一次啦, 一日是生放送然後一日是預錄.

沒有看過他們以前做主持的電台節目, 現在這節目會有一些主題, 例如"介紹物品", 會由他們試用然後話好唔好. 又會有"一人席", 由Fans寫mails去, 他們選一位, 然後邀請她上節目, 在她面前唱一首她選的歌. 還有扮駕車, 去某地方介紹下那兒的食物之類. 有一次最後播歌前咪未關, 東海已大叫"好肚餓"! 於是有一個"餵餵小東海"環節, 介紹一些即食品, 最正係真係有得食, 兩個小朋友食得不知幾開心.

不過生放送就會有"意外", 有一次本來宣傳了希澈做嘉賓, 怎知兩天前他突然腸炎, 幾天下來的節目都做不到, 他們唯有臨時找了另一個藝人做嘉賓.

有次仲大件事, 赫去健身房的有個同行者染疫, 赫成為"緊密接觸者", 他Check了無事, 但都要在家隔離14日! 搞到個節目要"休息".

過了14日再做, 兩個穿上"X"情侶衫, 哈哈.



節目中李東海一如的"自由靈魂", 試過跟稿讀讀讀下唔知去到那一頁, 又讀左赫的台詞. 玩起上來整個Studio 走! 當然赫同佢一齊顛啦.





不過通常都是赫主持大局, 睇住流程, 而且由得東海玩.

啊, 個節目是生放送所以是沒有字幕的, 龍貓識韓文嗎? 哈哈, 當然不.... 不過睇多左韓劇, 有D都識識地, 而且, 睇樣啦. 睇他們互動已好開心.

7月尾開始他們要準備D&E10週年專輯了, 所以D&E Show現在只做星期四, 五. 都好, 星期六, 日有時要出街, 這節目又沒有重播. 現在返工, 會拿耳筒插著手機"偷看". 呵呵.

Project X

今年是D&E 10週年, 年初東海已將自己IG的相改為"X", 懶係話D&E project, X=10 嘛, 小朋友, 咪以為我們唔知!

後來TEMPUS出左件"X" tee, 黑底黃X, 或者紅底黑X, 0甘大個X點著啊!! 所以就是兩個著晒宣傳都唔係0甘多人買.

有一次有個Fan寫去電台，話她著完件衫比亞媽鬧， 0甘大個X做咩? 而且個黃色有點螢光, 她的朋友笑, 就是在晚上不夠燈都老遠見到她. 東海讀時笑到"爬"在枱上. 赫亦話"0甘大個X做咩?" 之前你又著?

所以龍貓雖然好捧TEMPUS場, 今次件"X"真係買唔落手.

除了衫, Haru 出了一隻"X"杯, 唯有買杯啦. 另外有朋友仔整左X公仔衫出來, 好, 公仔可以.

返新工

哈哈, 沉藉左5個月又復活喇! 返新工喇.

自從被告知無得撈之後, 之前傾過一個Take up 人家公司的job, 再傾一次. 本來唔想Take up, 在於一直穩定收入又夠, 唔想再做0甘多. 但是無左一大截收入時, 當然要重新考慮啦. 幸好龍貓算是"好彩", 提議的"老細"話不如成立一間新的公司Take up 那些Jobs, 買保險, 0甘就大家安心. 最"感動"是人出錢我出力, 由成立公司, 買保險以至搵Office都是老細搞. 本來他想租一個新Office的, 後來諗到他上市公司那邊有個Office, 仲有位, 就將我們4人"塞入去"啦. 我無咩所謂, 有位坐就得.

新公司在尖東新東海, 一聽個名已笑左出來! 新東海近紅磡隧道口, 搭火車紅磡站落行過去, 就是落雨都不用開遮, 哈哈. 現在由馬鞍山出來可以直接在紅磡落車, 有位坐, 大概45分鐘.

Office好新淨, 我和Co sec共用了本來的老細房, 所以都幾大. 公司另外有兩個做Audit 的同事, 比以前的細.





咪以為張枱無野, 另一邊已比我放晒, 這張相是映比個老細睇的.


房望出去個View好好0架, 不過西斜, 下午就會比較熱.


Office是和另一公司Share的, 那Office的同事都很友善, 起碼會打招呼啦.

在之前的Office做了9年, 好多野. 現在盡量唔放0甘多野在公司, 希望啦.......

突然無得撈

我無得撈喇! 事源有個同事考到牌, Partner已同佢傾掂左, D jobs會佢睇佢簽. 2020 Year end的, 我只會睇番一個大Group, 其他新人會Take up 曬. 應該睇埋2020年都唔使睇添. 即是我可以走了.

Partner無叫我唔使返工，但想深一層，返去無job睇，一來要車錢二來要飯錢，仲要free consultation 比你？你咪當我儍嘅。

Partner之前已同我講過一次，但之前係話d 大groups 仲係我睇，但昨日講只係得番一個“屎“group, 得番10％左右收入，咁仲返咁儍？！

所以這幾天我會執野, 自行31/3 Last day, 4月開始唔返工咯。