上海
一個被人號稱為東洋魔都既地方
罪惡 色情 金錢
雖然係咁
但係美軍勁到亂入人地國家去搜狂派!
中共咁開通既 美國軍隊自出自入 痴線
不過我地祖國強大既情報管制 就算成個上海比文哥打到爛晒都可以話係毒氣外洩
Cra~Zy!
返到黎我地既地球隱形英雄Sam 開始左佢人生既重要大學生活
大家都知道大學就係用黎亂搞男女關係既地方 我地既Sam氣宇軒昂 才華溢
話咁快d 女就送上門 入埋房
可惜好夢好快就完結 正妻話咁快就黎捉姦 仲晌床度斷正
正當Sam 想解釋既時候 狐狸精原來係狂派黎既Terminator(?)
Sam OS:正 解釋都慳返
晌呢度就要諗下狂派真係多此一舉
一早整晒d Terminator(仲要全部都係金髮美女)晌地球 一早就征服世界
果然外星人既想法係地球人理解唔到=口=
呢個時候狂派已經大軍出動去殺Sam 仲塞佢食誠實豆沙包(其實係蟲 嘔XP)
老麥:哈哈哈!吞下了!你現在感覺如下,感覺如何了?
Sam:文哥!救我呀!
唔通Sam體内已經有GPS?文哥諗都唔諗連人地間廠都拆埋
唔知係咪策略錯誤 或者文哥救Sam心切 d 冇拖馬出街
結果大黄蜂就救走左Sam嫂 文哥就表現一揪三
文哥上集打老麥一個都要靠圍 今次一打三竟然略佔上風
可惜我地既Sam哥已經嚇到底褲都濕埋 懦夫模式全開
文哥掛住望 比老麥背刺開胸
文哥:Sam...Run...
Sam:Optimus!!!!!
偉大的文哥,願我們用你的寶血洗去我們的罪,阿們......
正晌呢個時候 博派其他二打六到達 努力咁打走老麥
Sam呢個時候終於鼓起勇氣 努力解開自己身上既狂派之謎
依照RPG遊戲攻略 隊伍之中一定要有賢者
不過現實生活既賢者都係兜踎 就算點英俊瀟灑都知不過係一個唏嘘既豬肉佬
賢者:賣豬肉只不過係我表面既職業 實際上我係情報販子
系統:賢者(Lv99) 加入隊伍
實際上呢位賢者除左有智有謀之外 仲識得用各種大殺傷力武器 飛車 Sam有左佢簡直如虎添翼
不過賢者唔識讀外星文字 唯有去搵其他外星人幫手 無意之中叫醒左一個狂派長老
不過誤打誤撞佢又正想洗底做返好人!即刻好似食左誠實豆沙包咁乜都爆晒出黎
仲幫佢地瞬移去埃及搵「領導心臟」(任務道具)幫文哥復活
狂派當然唔會甩拖 立即派出大軍殺去埃及
結果一輪打鬥之後(之後成個鐘都係打鬥 冇劇情)
老麥 對 Sam 使用了 激光炮擊!
Sam 受到了 10 的傷害!
Sam 陣亡了!
眾人:Sam!!!!!!!!!!!!!!
奇怪既事就晌呢個時候發生啦
天星七人眾(誤):你既勇氣我地見識到 有領袖既風範
Sam 復活了!
文哥 復活了!
狂派長老:用我的零件吧!柯柏文!
合體!
文哥 高機動飛行型 出動!
文哥除惡鋤奸絶不手軟 再加上運動性大大強 手起刀落兩下一隻
猩猩叫:老麥 懦夫先可以保命
老麥:睇住黎啦 柯柏文!
三揪一都輸 都話左一早用Terminator 戰略咖啦!
而家搞到變成搞笑奸角落荒而逃有乜為......
話時話.....你地晌埃及開片 毀人靈柩 唔驚詛咒既=口=
結果大團員結局 可喜可賀
晌Element睇戲撞岩冰河世紀3首映 見到官恩娜 真人靚過上鏡