拳-吳京唔易做

(首先講明先拳即係地下拳賽，多數由社會操控，d人打到殘都唔會有人可憐)

套戲係講吳京飾演既武術高手，被由Miki飾演既美女A情挑

結果走上打拳既不歸路，打打打打打打打

最後原來Miki係扯皮條高手同色誘魔女，但最尾比吳京既真情攪到內疚，跳樓自殺

吳京梗係好似傻仔咁以為社會逼死佢，走去尋仇，一人挑成個組織

後來知道Miki同d社會有一手，氣憤之下被兩個神手差佬爆頭而死


Miki用深情眼神望實Theresa，又捉住佢隻手，以為會激吻，點知……


鄭中基，高手，笑匠，只有一個字「近」

不得不鬧個編劇on9

後尾講返Miki細個比阿爸攪，黎做佢點解咁卑鄙既理由

大個利用美色搵著數，出賣愛情，真係狗爆

點翻兜佢個身世都搏唔到同情分啦

如果有d咁慘既身世，叫世途險惡一早就識

編劇冇腦，角色冇腦，侮辱觀眾個腦

Theresa直情可以晌套戲消失，完全唔會影響個故事發展

最後，送上「猛虎為其獸皮而死，羚羊為其羊角而亡」

只可以講，「吳京為其浪漫而死，Miki為其on9而亡」

Gundam Seed C.E.73 STARGAZER

睇完全部3集，實在太短啦
不過我唔想講下劇情，我想講下d人物-.-


ミューディー・ホルクロフト
呢條女真係慘-.-第二集就慘死於犬牙之下
對白不過10句 出場時間一個杯麵都唔夠
不過打扮得咁性感我好鍾意 d粧化得怪左d
由佢身上睇到戰場係幾咁殘酷 死o個時係咁叫令到我都於心不忍


シャムス・コーザ
人 呢個世界上最重既種族歧視 由有色人種變成調整者/自然人
咁算唔算係得益者？
但係呢條友可以話係比聯合軍洗腦洗得太勁 再加上ミューディー死左
令佢仇視調整者既心態谷到上腦
最後以為自己渣緊freedom 殺人殺到傻左比人殺返轉頭
ヴェルデバスター似超龍神……大河原繼黃金勇者之後又一力作


スウェン・カル・バヤン
比軍方訓練到變成殺人駕駛員 下令射殺平民都做得出
最後同女主角相遇令到佢開始重拾失去左既感情
友情 親情 同情 一切一切都係死之前先記返起
ストライクノワール駕駛員 技術都係三個人之中最高 起碼唔駛陣亡


エドモンド・デュクロ
送左女主角上太空成為故事既起點 然後為左拖時間而被殺
雖然佢係自然人 但唔分呢d野 對人都咁友善
亦都唔介懷自然人比較差 覺得調整者做到既自然人都做到
第一集主要就係描寫佢既為人-.-但其實唔重要-.-


セレーネ・マクグリフ
stargazer既開發者之一 女主角
但係同男主角既關係晌第三集始於中段終於尾……冇乜交流
有人話第三集如果佢唔救男主角就可以獲救
但係結果係點冇人可以預計 同埋要用埋ストライクノワール既能源先郁到stargazer
裏面有個傷者 作為一個非軍方既女性 點會唔救眼前既人
28歲但係好有魅力


ソル・リューネ・ランジュ
stargazer既試作駕駛員 同時個大叔係佢舅父
老實講 呢條友我勁唔鍾意佢
d親人都瓜晒 再加上佢渣o個架又係非戰鬥用MS 戀戰到冇能源
之後仲要犧牲埋女主角同ストライクノワール攬死
果然人同白人其實骨子裏都係嗜血狂魔

PS：
除左ミューディー同阿叔死o個時有d感覺之外……其餘都係普普通通
最主要都係比人同白人破壞晒……
比上不足 比下有餘
希望sunrise出seed-3時再進步少少啦