之前咪講過朋友既題材 事隔數月 我發覺我當時脾氣係大左d
「我真係當你地朋友喎 我將心比明月 你地明月照溝渠」
前排我又同佢地食飯 佢地問我點解上次約我去海洋公園我唔去
我都未諗到點答 就補上一句「臭禎(化名)走左啦喎」
「我唔知 你又冇話我知 佢都冇話我知」
我當時係咁答 有d推卸責任
其實作為朋友 我承認我係冇乜關心其他人
跟住讀唔同學校 開始做野 更加減少左聯絡
就好似陳奕迅首「最佳損友」裏面其中一句歌詞......
「位置變了 各有隊友」
我身邊既未必會再係佢地 佢地身邊亦都已經有其他人
當日佢地約完我 之後飛甩我 而家我會覺得「佢地隊友」已經唔係我
但我地仲係咪朋友呢 某程度上「係」
就好似佢地仲會約我食飯 仲會問我日常
我都感到安慰
我成日都會同人講
「得咪約我出黎囉」
可能我心裏面係好想有人約我出黎
做乜都好(唔係膠野就好)
但係有一日 我又發覺唔係做乜都好
某星期六 我參加左某集團既唱K聚會
一來時間少 二來人多 三來有自助餐食
向來為食既我自然就係放棄左唱歌不停食野
回家 同原集團成員M君一齊玩Warcraft 我問佢點解唔出黎
「冇錢呀嘛！」
跟住佢問我知唔知佢生日 我鬼知......
「不如去唱K囉 聽日」
o個日夠係同人做生日啦 係要玩自家兒 都唔知佢點諗
「貴呀嘛！我去o個度平好多」
先勿論佢o個度平幾多(事實又真係平好多)
但我覺得 同朋友做生日 駛多幾個錢又有乜所謂
又唔係叫你日日比 又唔係叫你請
囧晒 不過我最後都係有應邀出席
但係結果 出乎我意料之外
難以置信我會多左個新朵
－「點歌狂」－
何解呀？
「你點d 歌我個fd 10首有9首唔識唱 佢都算聽好多歌」
咁都叫聽好多歌？
「對比起我」
一整個囧
我唔會對人地既朋友講d乜野 我點幾乎全部都係廣東歌
佢唔識 我唔怪佢 亦都唔知點解怪佢
！但我亦都唔知點解怪我！
我點歌梗係點我識既 我點知你識唔識 我係你肚裏面條蟲
佢仲要同佢個fd護航 講左個極膠原因「佢都算聽好多歌 對比起我」
我錯了 根本唔應該同佢做生日
「將心比明月 明月照溝渠」
M君是個人材
可惜人材總唔會只表演一次佢地既才華
正是八月十五中秋佳節 人材再現
(下回唔知續唔續 有縁再續)
