奪標-莫名其妙既違和感

呢套係一套武打片……

但係成套片都focus左晌奧運度

故事突然變成有個女仔雖然身有殘疾

但係為左籌錢比窮困既中國運隊代表團出國

勞心勞力最後魂歸天國既故事

武打？用晌邊度？

雖然成套戲不停都有武打 係咪都武打 路過都要武打

但係故事軸心完全比女主角感人肺腑既演出扯走晒

武打？用黎做？

結果……

我地中國人一定要團結！個個都可以去參加奧運！

40年後奪得第一金！

2008年舉辦奧運！

完……

喂……

徐小明導演你傻咖？

呢套係咪奧運紀念片黎咖？

成套戲都係打交 但係竟然最尾講奧運精神

整套戲有一種莫名其妙既違和感

又唔可以話製作唔認真o個下先死

武打真係打得幾好睇

女主角又有種清純美

我整個人都斯巴達了！


明明是女主角(右邊)……Yahoo的劇照竟然只有一張(淚)

ノ ミュージック ノ ドリーム-デトロイト メタル シティ

首先唔識日文既就...........唔好意思......

上面既日文係 No Music No Dream-Detroit Metal City

即係《爆粗Band友》



故事就唔多講 就係上面o個句説話

音樂既力量真係好大 就好似之前梅澤春人有套漫畫《無男》

用搖滾樂黎征服世界 作曲既成為版税王 主音歌手識全世界方言達50多種

夢想用音樂黎實現 可以話係最容易亦係最邪惡既方法

一唔小心暴走可以去到《Gloomy Sunday》咁犀利

重金搖滾雙面人能唔能夠帶比人夢想呢......................

現實真係 唔知

香港冇樂壇 只有娛樂圈...就係所謂既資本主義既豬啦

Klauser 樣! 殺せ!殺せ!殺せ!殺せ!殺せ!殺せ!