<GANTZ> 電影版 part.2

哇~ 呢套戲我就黎睇完都唔記得哂劇情啦!!! (一個月前睇)
我唯一仲有印象的就係西哥死得好柒& 原創end 好衝擊。
拿! 我好明白導演好想將原作的msg 重新包裝一次再推出黎sell
不過, 真係包得好爛, 唔好睇啊!! 我未試過入戲院睇戲睇到放蚊。
西裝星人係車箱大果到拍得好睇, 因為咁狹窄空間下拍戲係好難的事
而成套戲的亮點就只有呢到吧...之後果d 打鬥場面真係沒特別

好啦, 導演好跟原著比西哥復活出黎交代幾句, 然後你就送佢去死!! (仲要死得難睇)
我都知西哥真係好撚廢T^T 但見到咁真係覺得好無謂...(p.s 依家西哥真係乖左, 佢識救人)
最終boss 可以copy 人地個樣呢d 只係gimmick 黎, 剩睇trailer 真係以為加藤仔變奸
仲有唔好當果班西裝友真係漫畫入面的吸血鬼!!!!!!!! 兩件事黎架! (今次真係終於分開左)
其實佢都係想講呢個世界沒永遠的正義, 只係將<小不點星人篇>重新包裝下之嘛!
係入面gantz 要求殺多惠的理由我仲係唔明...有人話係想迫玄野繼續為gantz 做野
因為一次任務失敗, 大家的分數就會歸零, 佢想用呢個方法令玄野個分keep 住係0
呢個理由都幾有趣既, 不過我個人始終buy 漫畫版果個多d.
因為老奧特登埋伏好多玄野同多惠的伏線, 令你都投入去玄野個角色到!
所以多惠要死果一刻真係好震撼& 明白點解玄野(仲有你)要咁保住佢!!
電影入面多惠同玄野都未正式拍拖, 只不過係朋友以上, 戀人未滿之嘛

到最後真係比玄野計拎多一百分, 我唔明佢代替球入面個男人想點...
始終球的力量係入面亦都沒點講, 佢係點黎? 佢點解有咁既力量? (其實漫畫都未正式講)
但係佢就係到混淆視聽, 話比你知依家玄野犧牲自己所以一切都reset 了
呢幕真係睇到我o 哂咀。如果有外星人黎, 係未由玄野去call 人黎幫拖呢? XD

總結, 呢套戲我覺得真係拍得好爛下。
有時我明原作既野唔係好出得街, 咁可唔可以大膽d 玩全新設定?
依家又要跟但又拍得衰真係做壞個名。

黎緊應該會看鐵拳浪子, 我諗緊應唔應該睇完漫畫先再入場......