1996 年乙一寫下<夏と花火と私の死体>時只有17 歲
估唔到同我同年齡既時候, 佢已經可以寫出咁化既小說!!!
<夏と花火と私の死体>係乙一既處女作, 我點可以唔睇呢XD
07 年終於出左翻譯本, 今日終於睇哂
睇完<夏>, 當時既感覺同睇GOTH 時一樣, 又係一個意想不到的結局
不過好明顯因為GOTH 太變態, 睇<夏>時已經覺得係小菜一碟(爆)
但係乙一充分地利用書名黎交織一個殺人故事, 無論係寫景, 寫人, 寫心理變化
都係好讚的!XD 而書名3 個object 都係有linkage!!!
(其實我買呢本書既另一原因係想學點樣將3 個沒關係既野有連結地寫篇文出黎#sosad#)
<夏>既主角有姐控的腹正太阿健, 兄控蘿莉彌生, 屍體五月同腹御姐姊
成個故事又係用"我"的立場觀看成件事進展, 呢個"我"就係死左既屍體五月XD
五月一路講阿健佢地點樣收埋自己條屍時, 亦都好想比人發現自己的屍體
我覺得好特別XD 五月就係因為覺得踢爆彌生鐘意自己啊哥阿健而唔好意思
於是自爆話自己其實都鐘意阿健 囧
就係因為咁彌生殺死左五月, 之後仲呃大佬話五月係自己失足跳落山溝死左
好神奇地呢個大佬好有智慧咁一直諗辦法收埋條屍, 仲安慰埋個妹 囧
件事最後比大佬暗戀既發現, 沒指證佢地, 仲成為幫兇埋屍
連五月都覺得好驚訝(無錯, 係五月XD) 原來一直以黎故事有提及的小孩被拐事件
伸引到阿健想利用被拐事件黎掩飾五月既死, 所有野都係搞出黎
係雪糕廠唯一的工人會係冰櫃裡面工作, 所以佢將所有屍體放哂入去冰櫃
包括五月同比佢老笠的所有正太.....:h:
五月提到係裡面過得好開心 因為有好多人陪佢玩 而且佢地個樣同阿健好似樣...:h:
救命, 雖然乙一只係曾經提到姊鐘意既男人同阿健好似樣.
但估唔到呢條友咁X 恐怖, 佢既行為比我一種感覺就係:
為左世上只有一個阿健存在, 我唔比其他阿健存在:h:
唔肯定乙一係未有咁既意思, 或者我咁諗已經好變態XD
不過姊用乳療去安慰小正太阿健, 又話唔定我個諗法係真
由果一幕已經肯定出姊都係鐘意阿健. 呢個係同性相吸的定律吧XDD
2 個都係心理變態. 而彌生既作用, 都係渲染一下故事既緊張氣氛
同埋突出返阿健同姊既變態XD
最後, 其實乙一係寫左個HAPPY END 出黎呀XDD
- 彌生沒比差佬踢爆自己殺左五月
- 阿健同姊拉埋天窗(喂)
- 大家真真正正收埋左五月!!
你話幾好(毆)
