<鐵拳浪子> 電影版

今年的我一定係痴左線, 平時唔鐘意睇戲的我竟然睇>5 部戲
睇鐵拳浪子之前我當然係做哂功課先去睇, 原來漫畫都係好好睇。
而電影版剛剛好演到力石死左就完, 咁都岩既~ 打埋加洛斯就真係太長了

一開始我都係覺得山p 唔適合演阿丈。理由係山p 太靚仔...
阿丈呢個仆街仔的自大狂妄山p 真係扮唔到出黎...
但係!!! 力石真係有型都喊T_T 成套戲入面演得最好就係力石& 段平:0)
一見到段平我就忍不住笑!!!!! 因為佢真係好撚似!!!!!!!!!!! sosad
而力石的肌肉真係...我睇到流哂鼻血...我第一次覺得自己係真心鐘意肌肉男架!!!!!

套戲的劇情拍得好趕, 完全係睇得出製作人好想快d 拍到力石死然後收工
係監獄入面沒有拍騎豬逃獄同埋啫喱拳, 一黎就係力石vs阿丈, 連阿西都好少提...
仲有一樣野唔鐘意就係打面場面的CG 做得好假, 同埋個音效聽到我好唔舒服...
另一樣野唔明就係, 點解無啦啦講埋白木小姐的過去......?? 呢度我真係睇到R 頭
去到力石死後...阿丈失蹤果到又拖得太長...搞到成套戲好唔balance 咁...
如果唔係hikki 唱op...其實我真係唔會入場睇XDDD (上年知道呢套戲都係因為hikki)
我去睇果場仲要睇多女睇...仲要一睇就知佢地為山p 入場睇XDDDDDDDDDD
一起staff roll 佢地就走哂...得返我同我朋友留係到聽埋歌先走...=_=