過年前後送錯貨-上集

晚上十點，電話突然響起，平時呢個時間已關機，不過諗住擲多塊葉俾青蛙所以未關。管理處打黎話我有件係佢度，並且話我屋企冇人。講多兩講，我叫佢俾個電話師傅同我講，佢劈頭一句問我係咪有件(係有，咩件先得架)，佢話我屋企冇人，按極鐘冇人聽(大佬，新年流流唔好嚇我)，我諗打到俾我，應該係去錯地址吧？就叫師傅上黎。一望到份件就知應該成9成9唔係我的，再望件上的資料，地址、人名、電話都唔係我的。

份件唔係我，但師傅好想塞俾我。

師傅手上仲有另一張名單，上頭其中一個聯絡人係我，但上頭的資料跟分件上的資料全無相似之處。

份件唔係我，但師傅好想塞俾我。

我講俾師傅聽，逐PART同佢對，話俾佢知呢張紙上面的呢個係我，但呢分件唔係我，地址電話人名全部都唔啱。

好了，送師傅離開之後，我好膽心，我份件呢？