本地遊

有朋友將移民英國, 有人提議不如趁假日來個本地遊, 而且是市區的, 好, 好過行山(龍貓太懶). 先由中環出發.

中環的大館龍貓知, 但沒有去過. 主要是以為又是要好似PMQ般行一條大斜路上去. 原來那上山的電梯可以直到. 而且大館是以前的"監獄", 估不到在中環仍保存著0甘大型的"古蹟".





行完大館, 打橫行便是荷理活道, 啊, 肥仔幅畫!!



荷理活道好多"壁畫", 有趣.



去完大館去埋PMQ, 相比之下PMQ失色了.



然後行去搭船.......



嘩, 龍貓多少年無搭過船....... 因為個碼頭現在好遠!





因為是假日, 周圍都好多人, 在尖沙咀碼頭好多一家大細.



打算由碼頭行去K11, 即是以前的新世界中心. 在附近的有個家庭, 有個爸爸突然話"好靚啊!' 大家即回頭望, 原來是日落, 又真係"好靚啊!"



K11龍貓都未去過, 因為是Shopping mall, 對龍貓是沒有什麼吸引力.





最後再行到去近火車站在尖東的酒店晚飯, 行了差不多20000步, 腳仔軟! 不過又好有意思, 起碼鄉下婆龍貓出左城! 哈哈.

我住在鄉下

龍貓小學時學校旅行, 去烏溪沙戶外康樂營. 由學校搭車去, 搭到"嘔"才到.......

星期日見好天, 本來打算去映日落, 5點出門, 怎知愈行愈厚雲, 無日落映. 見仲天光, 行去海濱長廊的另一邊尾先. 上次只行到公園入口.





沿著公園旁行, 哈, 住了在馬鞍山20年, 一次都無入過這公園! 喂, 又不似日本0甘有櫻花紅葉, 一條友行什麼公園?!





原來長廊的盡頭便是"烏溪沙戶外康樂營". 那兒有個小沙灘, 好多人! 以前是學校旅行才到的地方, 現在, 落街行30分鐘便到, 哈哈, 原來我住了在鄉下!



那天足足行了4KM, 勁 (自己讚自己)!



條長廊真的好好行, 沿途又有廁所, 好方便. 又係那句, 住左0甘多年才享用, 傻瓜!!

步行時, 跟自己講, 要多行一點, 不要到"行動不便"時後悔.

東海生日應援最後一擊

朋友仔話旺角的丸茶有印仔蓋, 0甘0岩又約了人交換Card, 好, 可以上完畫畫出去一轉. 有個小小的Corner可以印印仔.



本來龍貓話問畫畫老師拿張畫紙去蓋印仔, 走時又完全忘記啦! 幸好身上有D&E張Postcard, 拿出來弄了張"只有一張"的Postcard.



15號朋友介紹這家"燒賣皇后, 食過翻尋味, 還買了冷凍的回家吃!!




星期日, 最後一擊, 再去一茶詞, 因為今次是認識的朋友仔弄的, 之前都無去過支持她, 今次一定要去. 她好有心機佈置, 好靘.





這些生日應援還會有小禮物包. 朋友這套東海啤牌真係好靚. 最主要選的相正.



自問龍貓無設計天份, 還是去欣賞人家的吧!

龍貓有畫畫, 但畫畫是Copy, 不是設計, 你比張白紙我就大鑀喇! 哈哈.

東海生日應援第二天

東海生日這天, 預左放假, 不過那些荼店沒那麼早開門. 第一站先去太子的"一茶詞".





然後去旺角的"田籽"



再去"皇茶"



然後衝去尖沙咀的"沐白小農".



然後要衝回旺角的餐廳, 要坐下來看東海的生日生放送, 要搵個地方可以坐低, 有Wifi, 和食飯.



最後過了海去銅鑼灣的迷客夏.

兩天成手杯套, 哈哈.





走0甘多間茶店, 基本上是飲不完那些飲品的. 昨天拿了一杯回公司(後來回公司一轉). 今天, 幸好有一家是樽裝茶, 而且以昨天的經驗, 今天拿了兩個小袋在手, 把飲品放入去, 回家再飲.

一茶詞和沐白最靚, 在於有位比你佈置, 田籽都有一邊牆, 皇茶就不是太明顯. 迷客夏是完全沒有裝飾, 而且要問店員才會比杯套你, 雖然他們的飲品最好味.

東海生日快樂!

東海好乖, 答應了生日會開Live, 上年開了生日會, 今年因為疫情, 大家都郁唔到, 開Youtube live, 待大家可以見到壽星仔.



那生日會做什麼好? 自己弄生日蛋糕吧!!



東海說這是他做給ELF的. ELF為他慶生送他生日禮物, 所以他要送番個蛋糕比我們, Ok.



除了蛋糕, 他又拍了不少即映即有相, 於是拿著貼紙在貼. 可是小朋友, 貼多兩張就無心機, 亂貼. 而且, Staff比的貼紙, 只有3款, 不過一款有成10張, 他就翻了又翻, 想搵多D貼紙, 仔, 得那3款咋!!

一直赫海生日對方都有出現, 今次大家當然預左赫會出現, 怎知東海話赫有工作在身不能出席, 還打比他投訴"為什麼生日會在下午舉行?" 喂, 大哥, 你那個都是下午喎. 東海話赫送了一張電子Coupon給他, 最緊要寫了"I love you 3000", 猛讚赫有Sense. 係喇係喇, 佢最叻. 有粉話"赫係人都送3000Coupon, 有何大驚小怪". 哎, 總之"TUM"得東海開心就得啦.

今年在首爾的生日應援都好勁, 在Haru有杯套.





還有汽水(貼紙貼在汽水上)



東海又好識做的去映了一些. 不過因為太多, 他都去不完, 哈哈.



他話很喜歡這個杯套, 會日日用喎. (太多留了在Haru)



收了滿滿的禮物, 真開心.



啊, 小朋友弄傷了手腕, 保你大, 小心D啊.

東海生日應援第一天

香港今年有不少東海生日杯套應援, 朋友14, 15放假, 相約去支持人家一下. 本來想放一日, 可是因為昨天打了風, 今早要回公司處理一些工作, 下午才"出走"吧.

第一轉去深水埗的一間Coffee shop. 嘩! 好正!








本來去了太子一家餐廳, 已坐下, 店員妹妹走過來"唔好意思, 這間的杯套已派完, 不如你們去旺角另一間店?" "我們已坐下....." "唔緊要的." 於是起身走, 她還送了一些物品給我們"幫我清0甘D...." 朋友話她是一個版主, 哦!

我們去了另一間樓上餐廳, 很細, 但可以包晒場做佈置, 好正!!







他們又設計了Special menu, 正好和朋友來個Tea.

十月打風?

前天突然話有個風接近香港, 仲要"砰砰聲"一日內由一號變3號, 仲話會掛8號. 星期一D風/雨都唔勁, 心諗流流地啦......

怎知昨天早上, 真的掛了8號風球! Yeah, 不用返工, 即去再睡! 哈哈.



這個"神奇的風", 一點都唔勁, 可是竟然掛足一日! 到下午6點才改掛3號, 風雨反而來了!

天文台解釋因為個風遇上氣流, 扯起的風好大, 所以要掛8號. Anyway, 比多一日假期我們啦.

我愛小紅帽

星期六的SJR4超好笑, 已經成為常重溫的一集. 首先終於齊8個人, 雖然一開始東海去錯地方遲大到!

第一個跳舞環節已好好笑. 第二個環節是一人唱一段SJ的某一首歌, 唱錯要被淋水. 音樂響起..... 竟然是赫的Solo歌"寶石美男"! 還要是2012年! 那記得?

可是音樂一起, 東海已知是什麼歌, 厲害!! 這環節最好笑的是金小萌, 他毫不比面的聽到D歌詞便大爆笑! 還要話"怕且只有作詞那個知成首歌點唱", 對, 那是赫自己!! 哈哈. 節目組都好抵死, 見他們真的唔識首歌, 於是話"見你們無記性, 比一次機會你們聽一次."



第三個環節, 玩Running Man, 分兩隊, 一要搵寶箱, 二要攻擊對手, 撕下對手背上名牌, 拿到貼上的數字來開寶箱的密碼鎖. 東海, 金小萌, 圭賢, 特哥一組, 赫, 神童, 大雲哥, 馬始一組. 赫那組看高一線, 因為大家覺得東海和金小萌"唔係好得". 神童笑東海的外型是"外賣小子", 哈哈.

怎知, 最後勝出的是東海組, 而且是由東海和金小萌勝出! 常做綜藝的神童, 圭賢, 特哥和赫反而早被捉. 東海非常聰明, 在他們要被人攻擊時他躲了在更衣室, 對家完全找不到他. 到他們攻擊人時他便出來!! 本來東海隊在第一Round圭賢和特哥已被捉, 餘下東海和金小萌, 他倆就夾埋一起. 赫被捉後話"他們好似飛鼠0甘衝過來!" 最好笑字幕加了"野生的.... 飛鼠". 他們在第二Round一口氣解決赫, 馬始和神童, 好勁.



東海又大力, 係0甘扯人件衫.



到第三Round得番大雲哥, 畫面配晒"黑雲", 他又話"你比我捉到你死定了!" 哈哈. 金小萌好擔心, 東海話"不用怕, 現在我們二對一, 我們一人捉住他一隻手他動不了我們." 好醒! 不過大雲哥都好大力, 金小萌差點被他捉到, 又是大力士東海拉開大雲哥.

最後他們拿著箱子, 東海用腳"乘"著好可愛, 一個小朋友0甘.





看完這集, 希望他們之後玩"大逃脫", 想看東海如何用腦, 他一定可以的.

啊, 最後他們聚在一起講15周年想做什麼, 出碟就一定的了. 特哥話"比起要拿第一, 現在的我們是更想要如何繼續下去." 對, 不用擔心, 有我們在!!

K4的唔洗牌

D&E的新碟出唔夠1個月, 再來一個Special版, 加多兩首歌, 還要另一批相, 你買唔買? 還要今次是"盲盒", 即是表面全是一樣的. 但包著本Photo book的Cover有3個版本, Photo book 封面有3個版本, 內裡有張Postcard又3個版本, 再有兩張小Card, 一張雙人的有4個版本, 單人的各人有2個版本. 所以今次和朋友要夾份在不同的店買, 就是怕"唔洗牌".

韓國原來中秋是大節, 還要放一個星期假. 隻碟9/28出, 已有店話"我們10/5才寄出". 幸好龍貓有一間豪佢用DHL, 而且他們9/28已寄出, 趕及放假前9/30收到.

不過K4(店名)真的唔洗牌, 3本全是赫Cover, 小Card...... 龍貓話一定要西裝那張, 好, 比3張你!! 幸好東海小Card有不同.






假期後, 收另一批, 唉, 仍是唔洗牌! 仍未有東海Cover和赫Postcard.




10月15日是東海生日, 上年剛好有演唱會, 在首爾已有好多應援, 而且人在首爾, 沒有理會香港有什麼. 今年大家都沒得飛, 於是好多在香港的應援. 近期流行的送杯套, 即是在某店買一杯飲品, 會送一個"生日應援"杯套比你. 有心的Fans已做左一個日程表出來, 幾時那一間有應援, 待大家走走.

行鑊金

同學仔約"四天假期搵一日出來, 早上去行山然後午飯", 龍貓話"睇下天氣先." 幾0甘望天氣唔好...... 怎知...... 不過山就不去了, 另一個同學提議去"西九文化區", 見網上介紹幾靚0甘.

約了在九龍站, 龍貓沒有直接車到, 要在旁的站行過去. 集合了, 跟指示行了15分鐘, 經過地盆, 暴曬然後到了!



風景是好好, 有幾片草地, 有些小朋友周圍走...... 適合小朋友去放電0既. 有幾間咖啡店但唔平.







可能遲些兩旁的兩個博物館/美術館開了, 才會多些人流吧? 而且, 那條行過去的路亦要美化一下, 現在只是暴曬.



因為有個同學遲到, 我們在呆等之下, 提議不如回去商場午飯算了, 可惜同學仔剛上的士趕來中. 於是等她到了, 又逛一回後, 行回商場午餐.



這個商場好大, 入口在中間, 行到一旁午餐, 走時行回另一旁搭車, 去到車站已行了12000步! 今晚一定不用落街行了, 太金了!!