又來?!

十號風才過了三天,又話周末打風! 初時不大信, 因為天氣很好,但到了星期五已風雲變色,下午下起大雨, 而且風勢幾勁.

新聞話星期日早上最接近香港, 不過沒有之前那一個那麼吹到正,所以"最多"都是八號. 於是星期六上完畫畫連忙去街市買一些吃的, 準備星期日打風.

怎知星期六晚胃很不舒服,睡不好,半夜醒了. 本來打算在廳坐著睡,怎知風勢很強,廁所吹到啪啪聲. 當時未掛八號風球,已橫風橫雨. 龍貓立時走入廚房戒備,可惜已遲了一步,Panty及地下又有水!! 又要吸水.

今回比十號風吹得更正面, 雨水直打,由窗邊衝入來!! 用毛巾一吸便又要換. 幸好龍貓貪心人次次去溫泉旅館都會留番條毛巾留念....... 不要講笑, 係0甘吸水換毛巾都搞左成個鐘以上, 睇住天光, 兼且手都痛. 後來雨勢慢慢變弱才可以休息一會.



到了早上沒那麼大風大雨便去睡一會兒, 但那睡得穩,心掛掛又漏水.

下午用之前留番的湯和豆泡,和星期五晚買了沒吃的鹵水鴨,又弄個"打風午餐"吃.



同學仔很好心已介紹叫我快快整好隻漏水窗, 不過她介紹是要整成間屋, 你要龍貓執開D野是一項很大的工程,好頭痛.

啊, 這次不足一星期又掛八號原來是自1966年以來的第二次. 現在又話來周又可能打風, 唔好化? 吃不消!!

十號風

上周末已話打風, 未到已令到香港熱到爆. 星期一話有37度!! 星期二話個風打到來, 吹正香港, 星期三早上最接近, 大家已有打算星期三不用返工, 好野!

終於昨天早上一起來已見掛了八號, 好, 再瞓! 不過老人家瞓唔得耐, 同埋天色好黑, 都係起身望望. 過了不久收到話掛十號波! 勁啊. 不過今次個風堅勁, 可能我住那兒受正. 我入廚房打算沖咖啡, 死喇, 個地濕0既? 最怕水浸, 拿拿聲搵下邊到出事. 見到洗衣機位滴水, 再望..... 原來窗係0甘入水! 流落Panty再滴落地! 即時搶救. 先拿毛巾吸水, 然後清理"案法現場". 終於本來只為了一杯咖啡, 在廚房搞左成個鐘!! 還拿拿聲望下其他窗有無事. 廚房同廁所吹正, D水係0甘入. 好彩是這邊易搞D.




後來看天文台的Notice, D英文好深啊. 有些字真係唔識, 同埋D用法好正統, 真的睇Notice學英文. 有一句"Singal 3 will be hosted before dusk". 什麼是before dusk? 原來即時"入黑前".





因為星期二放工已知星期三會打風不用返,於是買定食材,下午弄個魚蛋豆POK喇沙食下, Very good!




無所事事又唔想郁的"假期"終於把4集Harry Potter看完.