瓜田李下

話說今日發生左件有點無聊又有點大穫的事。

好耐之前已經知道有彩豐行呢間野，都同朋友夾過買，但由於太平，一個人根本好難會湊到$250送貨，又送貨時間即係我既返工時間，所以基本上，即係無可能送貨囉，自己又懶去買，有d朋友成日話想買想去，講黎講去都係得個講字，終於拖左幾個月，都係冇買過。
而且成日買野太無策略!!搞到浪費金錢又浪費晒d野，之前買得太多面既野，根本用吾晒，佢d野開左之後得半年保質期，一支mask根本已經可以用半年啦...所以有好幾支mask用左小小就過期了。(所以你話幾難買$250?)

於是最新既策略係買均身體既每部份，咁就易好多了，又吾會浪費。


件事即係點呢?
話說歡樂小姐前排係咁同同事買香呀香油個d，成日係自己既返工時間做自己野，包括自己出去食飯食成2粒鐘或以上啦(我地既法定時間係一個鐘)(重要叫男朋友揸到遠一遠食囉)，自己係咁用工廠既printer呀物資呀去做自己野(佢係串珠鏈去賣的)，成日蛇王啦，但又成日同人講有幾忙(有幾忙冇眼見?)
前排又比佢發現左彩豐行咁平，就係咁瘋狂訂貨，夾埋香野已經訂左3次，重要係送去自己返工既地方。

好老實講呢，其實送去自己返工既地方，就吾係話好錯/大錯既，只不過，有時d野係瓜田李下，明知有個咁鬼小心眼既老細，就吾好成日做埋d咁放肆既行為，吾係真係以為自己靚d嬌嗲d就有大粒野幫你撐下話?
其實本來我吾想拉埋佢一齊訂，因為我好衰，我成日覺得佢拉人訂係想要多d贈品然後自己拎晒(佢手腳有幾乾淨有邊個吾知丫)，亦都吾想同佢有任何關係，其實有好多野我都諗好要買，已經成日同佢講我想自己訂，吾洗等我，點知佢都係咁煩我...於是，咪一齊囉。


點知今日收貨係個room開箱個陣，廠長就快速咁衝入黎捉人，個勢係胸有成竹咁既得戚樣(兼想打爆佢)，問我地係度做緊d?

係廠長衝入黎之前歡樂小姐好慌忙咁話佢黎緊，叫我地收好d野，咁我地又好慌忙咁收，事後諗番做乜要咁慌忙?搞到好似真係吾見得光咁wor，重比佢有把柄!!!
其實本身件事已經係好小題大造(但歡樂小姐此時吾知去左邊，留下同事一人與廠長對峙)，只係好明顯睇到幾點:

廠長有心造歡樂小姐，但佢又真係素行不良wor
又比下馬威我地(因為佢又順便產埋d中層)
又順便搵我地呢D小薯訓話


歡樂小姐比人照完肺之後，係度係咁喊，有時我又諗，都吾知喊乜。
喊你委屈?早知如此又何必當初?問心個句有冇做過先?
有心造你，都要你有位比人ZIP先得囉。
好多人都比你拖落水都未出聲，雖然件事廠長係痴線(佢有幾時吾痴線?)，但呢一邊錯吾代表佢個邊就係o岩噃。
成日做埋d踩鋼線行為，以為自己有人撐(全部都係男人!!!!)，就可以任意妄為，所以，今日我又好衰啦，有d覺得佢抵死。
最慘就係成日教壞新同事，以為好多野真係吾洗做，以前小朋友就吾係受佢個套，先成日比佢設計陷害。

好老實講句，有幾多個打工仔未試過返工時間做過自己野先?吾係要辯護，而係有時你偷懶就偷得高明D，又或者吾好咁囂張，以為真係有人撐就大晒，上網CHECK下EMAIL 睇下BLOG都好正常，但呢位小姐就上網睇片睇名牌睇拍賣場，今日重抵死到借我部電腦去YAHOO打麻雀(但最後打吾到)。
重可以好理直氣壯咁問: 喂 借黎打兩鋪麻雀先啦!


重吾係抵死?
我完全覺得其實佢被老屈全部都係自找的，又吾見屈下我?
佢衰係佢既事，你自己瓜田李下，個底花晒，重要成日扮正義，其實好多野就係拖人落水，攬住你一齊死，吾好話我心啦，佢講，我都係信一成架JA，就係發生既時間人物地點，其他既，當故仔咁聽就算數。


唉，邊個成日講埋D虛偽既說話，話外表吾重要?
以佢咁既能力人格質數，理應一早應該丟去堆填區，但佢而家重可以好梳肝咁生活得咁美好，完全體現「姿色改變命運」呢句說話。(雖然，我吾覺得佢靚囉其實，可能我妒忌佢啦)