麻酸樂

http://www.openrice.com/big5/sr2.htm?shopid=10590&comstart=10

呢間野個名夠騎呢，入面賣既都一樣。
本來明明係米線專門店，但我地竟然入左去食扒...

因為d米線吾太吸引囉...冇乜意慾想食...
見到佢有個晚餐$58，又吾加一又ok多野食，就叫左2個...

餐湯叫左紀廉湯...佢話係高級酒店質素....都係椰記(椰林閣)貨色...
之後既薯格同吾知雞翼都幾好食啦....重有個凱撒沙津都係中等水準...

之後重點係我叫既紐西蘭扒同red叫既肉眼扒都出奇地好食，肉身夠軟，絕對吾"痴牙"，就算塊扒好厚都好易切....
雖然吾知算吾算勁好食...但我好似好耐冇食過一餐好食既牛扒了....
次次吾係"un"到爆就係勁鞋....
所以今次覺得好好食....估吾到係間米線專門店食到好食既牛扒....-_-"
之後餐熱飲吾洗加錢，但我杯檸茶，真係加左2包糖都吾甜...重係苦既!只係冇咁苦!
究竟係佢d糖吾夠味定本身d茶有問題?
不過呢間餐廳d野好大特色係d野好熱....真係好熱...食到最尾塊扒都重暖暖地....杯茶就重係好熱.....


雖然吾係特色野，但overall黎講都算抵食，起碼個扒都抵番晒。