深圳豪華骨團

topic: 深圳豪華骨團

可能由於太興奮的關係，吃過午餐，開開心心上車去上水與red她們會合...坐車途中，驚覺自己冇帶回鄉証￣▽￣|||||||||||||
唯有極速回家再拿....要守爺佢地白白等多一粒鐘....對吾住orz!!!!!!!!!!!!!!

我地去左間叫[金色陽光]既骨場（？），一入去就已經無啦啦被分左(?)去女賓部，同red完全吾知要做d好￣▽￣....大鄉梨出城...係咁上下....幾經轉折之後終於上到去同守爺榮爺會合...

開頭同我按的姐姐好可愛的唷~~~~
但之後她被其他人mark左....嗚....是誰mark走了我的靚姐姐丌－丌...不過之後來的那個都不錯啊:D
不過有時諗...如果佢成日要同吾同既人按...如果遇著D又污糟(?)又惡頂既阿叔....都好慘情..........嗯...都係講番正題XD
開頭....按到好痛....我估應該吾係佢既問題....係我受吾到力既問題...開頭總係好似有被人打既感覺....之後打到麻木左(?)，就撻左係度由佢....XD
按按下真係有想訓覺既感覺....(其實係幾舒服的:D)


之後去左某頓指定既福田店既小肥羊打邊爐...
我有史以來都未試過咁同意守爺既說話（？）:「香港的火鍋都是垃圾！」
雖然我諗吾係所有香港既打邊爐都係垃圾...但要每人比60左右食到咁既質數...香港一定吾得...四十幾蚊比碟堆到座山咁高既肥牛你....香港去邊度搵?

我地點左隻頂級肥牛...一吃之下....難度!?係傳說中[入口即溶]既感覺!?
係香港完全未食過這種牛啊啊啊啊啊啊（╯‵□′）╯︵┴─┴
我家樓下任食4X再加茶芥加一湯底...都要6X先找到數...但係食D "un"到爆痴晒牙既頹牛.....重要d湯底愈食愈淡....得番d 好樣衰既渣既個鍋度...冇晒胃口...所以吾鐘意打邊爐了....任食有鬼用啊?我又吾係食得多....

個湯底真係冇得頂啊....d料足到爆，又人參又其他不知名(?)既藥材...甜到....佢地真係加湯吾係加水架....個鍋又夠大，成晚都係加過一次湯...打完個湯底重係好清....痴線的....

終於明白佢地個賣點: 不蘸小料涮肥羊，湯久涮不淡，肉久涮不老
開頭重諗緊，點解無豉油既....原來根本就咁食已經好好食...
成晚除左d雞肉削左d 之外....其他都好正.....



根住同阿媽話搵日同佢去食...點知....原來佢咁新潮一早已經去過...orz
我發覺我真係好outdated....去深圳揼骨食飯原來佢已經係老手(?)=.=
佢重話，人地去小肥羊食，通常都係飲碗湯底先的...蠢左...