跟蹤 Eye in the sky

其實我真係吾係有心歧視港產片，但論類型，港產片既題材好多都吸引吾到我，鬼片笑片警察/社會，呢d都係我最憎/驚睇的。(最慘係d笑片一d都吾好笑!)

明知有好多片其實質數吾差，例如PTU，但點都的吾起個心肝去睇。
呢套「跟蹤」睇完之後感覺係好「典型」，熟口熟面，吾係吾好睇，基本功都札實，說故事能力都好，但就覺得比吾到新野出黎，但睇完感覺都幾好咁，亦係睇完好多香港警察/社會片既感覺。

套野就好似好耐之前睇既「非常突然」咁(呢套野最衰就係個名)。
但有時諗，點解香港咁多呢D社會片?香港真係咁多悍匪?香港好似好耐都冇好大單既持械行劫案啦...又有幾多單天橋槍戰.....?就正如韓國D男人明明粗魯到爆，但韓劇d男人偏偏懶深情又細心咁，搵鬼信?(但又真係好多女人信呀!!!!)

雖然好似好多批評咁...但我覺得成套戲除左邵美講粗口吾好聽之外，都冇乜問題...
徐子珊有進步(其實應該話，切合角色)，所有casting都做得吾錯，90分鐘無悶場，都值得一睇。