見山是山

已經吾想再「潤」淫審處的職員在任何方面的無能兼低B，係到左個種「膠都費事比」的地步，不如講下究竟《 Psyche Receiving the First Kiss of Cupid 》有什麼藝術價值好了。

有小小西方藝術史常識的人，睇見幅圖，就已經知道係Rococo(洛可可時期)風格的畫，這時期的畫人人面含春色，氣色飽滿，總之就係養到肥肥白白係啦，
明明成幾廿歲人d肌肉重似BB仔咁一節節，又白又滑(我咁形容好似一d藝術價值都冇呀呵?)，有小小嬰兒肥(以前係肥先靚架嘛!)，好多時都係以愛情呀，男女裸體做主題，點解?好多原因既，首先男女胴體係天生既藝術品(癡肥例外)，大家睇下自己既裸體啦!其實好靚架!吾靚?咁快d去keep fit啦~~~重有就係整體感覺就係柔到爆燈，好似d「好襯青春留倩影」咁柔焦效果!

其實Rococo吾單止係一種作畫風格，可以話係一個時代，因為無論建築呀裝飾呀等等都可以係Rococo 風格的，Rococo呢~~~即係d Lolita成日提係口邊個隻，甜到似bubble gum既色彩，睇下「瑪麗皇后」啦，佢地所響往日日high tea係草地散步呀野下餐呀咁既生活，查實外面d人民就窮到仆街。係西方藝術黎講，好多時作畫既題材都係服務皇室人員同貴族咁的，所以d畫好鬼多神話呀人間幾咁美好(日日high tea幾美好?)既感覺，無記錯的話，係寫實主義抬頭，西方先開始有多d係刻劃民間既畫(或受人重視)。所以Rococo絕對係「享樂主義」既代表。

好多時一幅畫藝吾藝術，都吾可以盲信權威(例如放係羅浮宮就一定好有藝術價值?)，但就一定要學識掉轉頭黎諗，點解佢有資格放係羅浮宮?好多時藝術價值都要有番小小歷史去做back up，所以要睇「藝術」呢樣野，吾係話「我睇到你睇吾到」扮到好高深就懶係勁咁就得，其實有好多野都有得解，或者叫可以去學，但香港d人連一個討論既機會吾比就好荒謬。

就算以作畫技巧黎睇，雖然我吾太喜歡Rococo風格，但事實畫功真係好得不得了，用油畫畫到個種紗既透，柔同軟，真係吾集中苦練幾廿年都吾得。
睇見一幅咁靚既畫，我就係有以上既感想，所以我好吾明點解可以有人淨係集中係三點，其實佢地應該可以拎去開腦研究。




怎可能不怒炒影視處官員？
他們穿了沙灘裝!!!笑銀死我!!!


處理冇錯，只係個腦擺錯