(這篇...我搞了好幾個夜晚...)(天啊...我尋晚打左好幾段comment save了之後點知過了一萬字而乜都冇了orz....)(唯有分2 part...)
在某個比較的夜晚，我用了兩個小時去打了這篇四千多字的訪問，即是這篇，什麼叫做愛!?這就叫愛!!
我絕對不介意大家轉載甚至不用trackback這裡，隨便拿去用(喂，都不是你做的訪問)，好野應該傳千里的。
打出來的原因是，我已經當了超哥是我的良師益友。
我從小就非常羨慕那些在中學呀甚至小學遇到了影響自己人生的老師，我讀到現在，都非常肯定我從來沒有遇過這個人。我覺得自己有點瞎子摸象般走過人生，過來扶我一把的不是老師，而是很多其他立立雜雜的東西。
如果真的有這個老師出現的話，我的人生大概很不一樣吧(茶)。
我要求大概是非常高的，要有學識教養，對教育抱有熱誠，落手落腳，有穿越時空(?)的能力，即是貫通中西古代與現代的意思啦....
總之就是要給我一種"叮"的感覺。
在上次亞洲文化合作論壇上，靳埭強都有來，還向超哥發問(其實不算發問)，話和超哥神交已久XD，即是看超哥的書啦....那我和超哥都有神交!
話說他以前好像有在IVE教書....唉，何解我咁遲出世啊?
聽君一席話，勝讀十年書咪就係咁解之嘛!
時常說保育，我敢說超哥是其中一位保育的先鋒份子，而且有齊所有要有的特點，承上啟下，有學問，默默耕耘，又夠風趣，風趣是優點來的，風趣是令中國文化退開「退休情懷」的要點，不要以為好笑的就不是學問吧，學問一定要悶的嗎?
雖然只是短短的一個訪問，但已經帶給我非常多的啟示!!(紅字是我)
1. 看過你的書後我才認識到中國人的傳統價值呢。
答: 有一個例子我覺得好「型」，古人的父母親過身後，係要結一個草蘆響側邊三年，這行為的象徵意義好重: 當我來到這個世界的頭三年要由這人抱於懷中，之後先能夠自己企起身，現在佢無可奈何地離開後，我只能夠這樣還返三年比佢，這種人與人之間的感情是令人動容的。今時今日我們並不能學似古人的做法，但我們可以做什麼?我們什麼都沒有做 。最大穫的是我們已經放棄了人與人及環境之間最根本的關係、價值。明代d友好滋陰o丫嘛，鑿一個水池是為了讓月亮在裡面travel過，將月亮的陰晴圓缺都盡收裡面，好有型架嘛; 池中荷花開放的時候，就會「zip」一聲，正所謂姿三四郎都聽到武術的最高精神啦；荷花謝的時候，都殘啦，咁殘咪最好用來聽雨聲！每一個部份都可以make use of，可以推到美學的最高境界。我覺得中國藝術有好多野好高架嘛，現在便最好攞到design用!我依家出書就係想咁，原先想出兩本中國藝術之後便急急整番本《Da Vinci Code》都好。其實我都好鐘意西方藝術，雖然佢水平冇我地咁高，但西方藝術於血肉上面有好強的動感。當今米蘭擁有世界上最差的藝術和最好的設計，文藝復興建構的空間，今日是用來賣GUCCI嘛大佬，唔咁樣的話邊度happy啫，GUCCI冇佢唔掂，佢冇GUCCI唔掂，大家happy囉，明代就是這樣，我就是好想講這些story。
結一個草蘆三年這概念的由來就是人與人之間的關係，雖然他的用法是"還"，好像迫於無奈，但古人對於這種"天跌落黎"的緣份還是非常珍惜，於是我們就這樣還番三年比他們。當中包括的，當然不只我們眼中的固執和無聊，當傳統流於形式化，失卻了當中的意思，當然就變成「無聊」了，因為我們和傳統的關係已經割裂了。
「明代d友好滋陰o丫嘛」我仍然覺得這句好好笑XD
如果現在和人說: 浪漫的中國人，大概無一個(在你身邊的香港)人會將兩者能聯在一起。因為大家心目中大概中國人都變醜陋了，「禮樂崩壞」都不是一朝一夕的事，然後話你知古代中國人好浪漫，你會想起誰?
超哥就舉了園林中鑿水池是中國人的浪漫，鑿個水池只是為了捉住個月亮倒影，妙不妙?大概而家無人有情睇月亮倒影啦~~你估個個好似李白咁痴線為左捉住個倒影浸死?
不過，水池還有很多其他實在用途的，例如中國人相信「氣」，是正面的能量，都由水而來，關風水之類事，還有於水榭唱戲，在水池之上，回音較響，非常科學。
當然關於園林還有好多「環保」的事，例如種芭蕉來聽雨聲，每一部份都可以MAKE USE OF就是這個意思，也就是平時常說的「detail」，每一個位都有其含意。而的確當代的設計已經好多都走番入文化層面，令好多人分吾到設計和藝術。
2. 研究中國藝術時有什麼發現?
答: 在我回看自己寫的中國東西時，我發覺出現了一個狀態。我把魏晉時代的人當作是西方的超現實主義時期來看，朝早還在當官時，一到晚上便被治罪入獄待地，在一個如此荒謬的世界下找到自己，所以中國人物畫便會在這一刻走出來的。這個情況就是在藝術和人生上出現了一種「自我」，或者叫「個人」。以「個人」去announce是一件好嚴重的事，但我這小小的歷史觀看法來說，一直發展下去「個人」是會淪陷至變成了adjective，現在我們聽到「個人」這兩個字，是沒有獨立性的，因為它會跟「權益」兩個字連在一起。以前的個人是和其相對的世界結合，現在的「個人」卻要「住」「權益」一起嗌得好大聲。這是道的低落，也是冇「guts」。中國那個儒家的聖人孟子，我覺得他最勁的是，他以一個「個人」行出去，天人合一的。故天人合一其實就是說這麼的一刻。當前發生什麼?你問我相信什麼?真是忠於他的生命，說出來是賭命的，不是為應令你而說，很充沛，這就是「大丈夫」，「大丈夫」是只有那一刻才會出現，其他充其量都只是「側側膊」，角色只可能做別人的「丈夫」而不是「大丈夫」。
3. 你當初點解會研究命理呢?
答: 因為好多好奇怪的事情發生過。例如我去法國時，一落機就比人偷晒錢，咁呢就好驚啦，結果就用盡各種辦法由巴黎搭車到荷蘭，走到荷蘭同比利時安特普之間一個叫「#$%@#^」--唔知什麼的地方，去到已經頭暈晒，一落巴士，後面就有人叫我，佢話: 「阿超～～」。(眾人: 嘩~邪到爆喎!)佢個女唔知點樣嫁到去，然後當日剛好「經過」個度。我心諗: 我都兜了地球一個圈啦，點會咁呢!
這個例子好笑XD
我想人生真的會被某一刻影響一生，但信命又等如迷信嗎?「信」本來就是非常唯心的啦。迷信科學不叫迷信?迷信命理就叫迷信?那些以為科學能解決一切問題的人，不比看麥玲玲蘇文峰的師奶好很多。
4. 你說你睇得到自己的命，其他人的又睇唔睇到?
答: 理論上是睇得到的，但係呢就唔夠堅，生命的本相是unexpected加嘛。因為生命好似飛機，我們是睇到條航線，但係航線有高低之分；即係呢一「兜友」同你係行同一條航線，但佢係行最低的level，你行最高，咁就有唔同，三言兩語好難講得到，但係幾得意。
的確不是三言兩語就能說得通，但都想舉一個例子。
例如我成日比人問，如果比我係阿某某女朋友我會點諗。
事實上，一，我又不是他女朋友，二，以我自己的性格是不會容許他是我男朋友囉，所以我又點可以設身處地去幫你諗呢?有時D野真係性格決定命運，我根本就不會走你呢條路，或者我不會容許自己走呢條路，所以有時我地可以選既路都係自己搞成的，有選擇，但係由細到大你所Built up出黎既野再迫出黎既選擇，我諗超哥講「睇得到」就係呢個意思，有好多人都嫁有錢佬，可能個個都咁有錢，但有d人嫁完比人感覺重係好cheap，有d普普通通但比你感覺高貴無比，只係佢將自己條路行得靚，下面訪問有繼續講呢個題目。
5. 你知道你生命航線的目的地嗎?
答: 我諗係咁，我有一些自己作出來的睇法；我唔承認生命係幸福快樂的。我的講法係： 如果生命係快樂的話，我地唔需要天堂。我相信大家都是嚮天堂度來的，所以你要快樂的話就不如返去。同埋呢，每個人都是有一份禮物的，有些人拆開了禮物，但唔知要點做；也有好多人一生揸住份禮物走來走去，大部份人果份禮物都會成為左自己的負累，因為雙手要成日揸住份禮物，有時見到他們便會覺得好似好滄涼喎大佬～但事實就是如此。
有宗教背景的朋友會同意嗎?在這一點上我非常之同意超哥。我覺得自己拆開左自己份禮物的，但我又吾知舊野係黎，諗左成世人都未搞掂，但畢竟都叫知道自己有份禮物，未致於咁滄涼，我覺得身邊有朋友一直吾敢拆禮物，成日都比份禮身變成自己的負累，個感覺真係好慘的。
6. 不如講下你自己的那份禮物。
答: 我頭先講過話「冇happiness，淨係有meaning」呢回事，即enjoyment唔得同happiness啦下。我覺得做人好苦，勁苦，包括我自己，咁呢就~我由細到大learn到的東西，有一半我當係從前生carry來的，而有一大部份係現世人家比的，我要做的就是攞番出來，以做到冇拖冇欠為基礎。如果你有心去幫人就要留意一點，中國卦象裡面最後的一句「亢龍有悔」，那種「悔」是一種悲情，係要去到最mature的時候你先至qualify有呢種悲情。如果你無啦啦就去同情或去幫人呢，而你又能力唔夠的話，你地係攬住一齊死。所以如果你對這世界有點悽然，有點不忍的話，你第一年要做的事情係要即刻「標」返屋企整到自己好tough左後先再出來幫人，否則會好大穫，我地日日都見到有人奇妙地送炭到泰北，但泰北並唔會因此而變得溫暖，根本唔會改變到現況。
仍然是非常中國的傳統價值，不拖不欠，「還」，成日聽落好似好吾甘願咁，但你堅持要還到大家不拖不欠的過程其實都幾艱辛，而維護傳統價值本身就係艱辛既工作。
「亢龍有悔」我重未領略到當中的意思，但我都認為有人奇妙地送炭到泰北真係好奇妙，有時覺得d 扶貧節目都幾無謂，喊完一輪個世界又冇變，都重係覺得身體力行係最好，喊完落手落腳就話姐，喊完又冇事咁算點姐。
討厭呀...尋日明明打到成第12題....orz
在某個比較的夜晚，我用了兩個小時去打了這篇四千多字的訪問，即是這篇，什麼叫做愛!?這就叫愛!!
我絕對不介意大家轉載甚至不用trackback這裡，隨便拿去用(喂，都不是你做的訪問)，好野應該傳千里的。
打出來的原因是，我已經當了超哥是我的良師益友。
我從小就非常羨慕那些在中學呀甚至小學遇到了影響自己人生的老師，我讀到現在，都非常肯定我從來沒有遇過這個人。我覺得自己有點瞎子摸象般走過人生，過來扶我一把的不是老師，而是很多其他立立雜雜的東西。
如果真的有這個老師出現的話，我的人生大概很不一樣吧(茶)。
我要求大概是非常高的，要有學識教養，對教育抱有熱誠，落手落腳，有穿越時空(?)的能力，即是貫通中西古代與現代的意思啦....
總之就是要給我一種"叮"的感覺。
在上次亞洲文化合作論壇上，靳埭強都有來，還向超哥發問(其實不算發問)，話和超哥神交已久XD，即是看超哥的書啦....那我和超哥都有神交!
話說他以前好像有在IVE教書....唉，何解我咁遲出世啊?
聽君一席話，勝讀十年書咪就係咁解之嘛!
時常說保育，我敢說超哥是其中一位保育的先鋒份子，而且有齊所有要有的特點，承上啟下，有學問，默默耕耘，又夠風趣，風趣是優點來的，風趣是令中國文化退開「退休情懷」的要點，不要以為好笑的就不是學問吧，學問一定要悶的嗎?
雖然只是短短的一個訪問，但已經帶給我非常多的啟示!!(紅字是我)
1. 看過你的書後我才認識到中國人的傳統價值呢。
答: 有一個例子我覺得好「型」，古人的父母親過身後，係要結一個草蘆響側邊三年，這行為的象徵意義好重: 當我來到這個世界的頭三年要由這人抱於懷中，之後先能夠自己企起身，現在佢無可奈何地離開後，我只能夠這樣還返三年比佢，這種人與人之間的感情是令人動容的。今時今日我們並不能學似古人的做法，但我們可以做什麼?我們什麼都沒有做 。最大穫的是我們已經放棄了人與人及環境之間最根本的關係、價值。明代d友好滋陰o丫嘛，鑿一個水池是為了讓月亮在裡面travel過，將月亮的陰晴圓缺都盡收裡面，好有型架嘛; 池中荷花開放的時候，就會「zip」一聲，正所謂姿三四郎都聽到武術的最高精神啦；荷花謝的時候，都殘啦，咁殘咪最好用來聽雨聲！每一個部份都可以make use of，可以推到美學的最高境界。我覺得中國藝術有好多野好高架嘛，現在便最好攞到design用!我依家出書就係想咁，原先想出兩本中國藝術之後便急急整番本《Da Vinci Code》都好。其實我都好鐘意西方藝術，雖然佢水平冇我地咁高，但西方藝術於血肉上面有好強的動感。當今米蘭擁有世界上最差的藝術和最好的設計，文藝復興建構的空間，今日是用來賣GUCCI嘛大佬，唔咁樣的話邊度happy啫，GUCCI冇佢唔掂，佢冇GUCCI唔掂，大家happy囉，明代就是這樣，我就是好想講這些story。
結一個草蘆三年這概念的由來就是人與人之間的關係，雖然他的用法是"還"，好像迫於無奈，但古人對於這種"天跌落黎"的緣份還是非常珍惜，於是我們就這樣還番三年比他們。當中包括的，當然不只我們眼中的固執和無聊，當傳統流於形式化，失卻了當中的意思，當然就變成「無聊」了，因為我們和傳統的關係已經割裂了。
「明代d友好滋陰o丫嘛」我仍然覺得這句好好笑XD
如果現在和人說: 浪漫的中國人，大概無一個(在你身邊的香港)人會將兩者能聯在一起。因為大家心目中大概中國人都變醜陋了，「禮樂崩壞」都不是一朝一夕的事，然後話你知古代中國人好浪漫，你會想起誰?
超哥就舉了園林中鑿水池是中國人的浪漫，鑿個水池只是為了捉住個月亮倒影，妙不妙?大概而家無人有情睇月亮倒影啦~~你估個個好似李白咁痴線為左捉住個倒影浸死?
不過，水池還有很多其他實在用途的，例如中國人相信「氣」，是正面的能量，都由水而來，關風水之類事，還有於水榭唱戲，在水池之上，回音較響，非常科學。
當然關於園林還有好多「環保」的事，例如種芭蕉來聽雨聲，每一部份都可以MAKE USE OF就是這個意思，也就是平時常說的「detail」，每一個位都有其含意。而的確當代的設計已經好多都走番入文化層面，令好多人分吾到設計和藝術。
2. 研究中國藝術時有什麼發現?
答: 在我回看自己寫的中國東西時，我發覺出現了一個狀態。我把魏晉時代的人當作是西方的超現實主義時期來看，朝早還在當官時，一到晚上便被治罪入獄待地，在一個如此荒謬的世界下找到自己，所以中國人物畫便會在這一刻走出來的。這個情況就是在藝術和人生上出現了一種「自我」，或者叫「個人」。以「個人」去announce是一件好嚴重的事，但我這小小的歷史觀看法來說，一直發展下去「個人」是會淪陷至變成了adjective，現在我們聽到「個人」這兩個字，是沒有獨立性的，因為它會跟「權益」兩個字連在一起。以前的個人是和其相對的世界結合，現在的「個人」卻要「住」「權益」一起嗌得好大聲。這是道的低落，也是冇「guts」。中國那個儒家的聖人孟子，我覺得他最勁的是，他以一個「個人」行出去，天人合一的。故天人合一其實就是說這麼的一刻。當前發生什麼?你問我相信什麼?真是忠於他的生命，說出來是賭命的，不是為應令你而說，很充沛，這就是「大丈夫」，「大丈夫」是只有那一刻才會出現，其他充其量都只是「側側膊」，角色只可能做別人的「丈夫」而不是「大丈夫」。
3. 你當初點解會研究命理呢?
答: 因為好多好奇怪的事情發生過。例如我去法國時，一落機就比人偷晒錢，咁呢就好驚啦，結果就用盡各種辦法由巴黎搭車到荷蘭，走到荷蘭同比利時安特普之間一個叫「#$%@#^」--唔知什麼的地方，去到已經頭暈晒，一落巴士，後面就有人叫我，佢話: 「阿超～～」。(眾人: 嘩~邪到爆喎!)佢個女唔知點樣嫁到去，然後當日剛好「經過」個度。我心諗: 我都兜了地球一個圈啦，點會咁呢!
這個例子好笑XD
我想人生真的會被某一刻影響一生，但信命又等如迷信嗎?「信」本來就是非常唯心的啦。迷信科學不叫迷信?迷信命理就叫迷信?那些以為科學能解決一切問題的人，不比看麥玲玲蘇文峰的師奶好很多。
4. 你說你睇得到自己的命，其他人的又睇唔睇到?
答: 理論上是睇得到的，但係呢就唔夠堅，生命的本相是unexpected加嘛。因為生命好似飛機，我們是睇到條航線，但係航線有高低之分；即係呢一「兜友」同你係行同一條航線，但佢係行最低的level，你行最高，咁就有唔同，三言兩語好難講得到，但係幾得意。
的確不是三言兩語就能說得通，但都想舉一個例子。
例如我成日比人問，如果比我係阿某某女朋友我會點諗。
事實上，一，我又不是他女朋友，二，以我自己的性格是不會容許他是我男朋友囉，所以我又點可以設身處地去幫你諗呢?有時D野真係性格決定命運，我根本就不會走你呢條路，或者我不會容許自己走呢條路，所以有時我地可以選既路都係自己搞成的，有選擇，但係由細到大你所Built up出黎既野再迫出黎既選擇，我諗超哥講「睇得到」就係呢個意思，有好多人都嫁有錢佬，可能個個都咁有錢，但有d人嫁完比人感覺重係好cheap，有d普普通通但比你感覺高貴無比，只係佢將自己條路行得靚，下面訪問有繼續講呢個題目。
5. 你知道你生命航線的目的地嗎?
答: 我諗係咁，我有一些自己作出來的睇法；我唔承認生命係幸福快樂的。我的講法係： 如果生命係快樂的話，我地唔需要天堂。我相信大家都是嚮天堂度來的，所以你要快樂的話就不如返去。同埋呢，每個人都是有一份禮物的，有些人拆開了禮物，但唔知要點做；也有好多人一生揸住份禮物走來走去，大部份人果份禮物都會成為左自己的負累，因為雙手要成日揸住份禮物，有時見到他們便會覺得好似好滄涼喎大佬～但事實就是如此。
有宗教背景的朋友會同意嗎?在這一點上我非常之同意超哥。我覺得自己拆開左自己份禮物的，但我又吾知舊野係黎，諗左成世人都未搞掂，但畢竟都叫知道自己有份禮物，未致於咁滄涼，我覺得身邊有朋友一直吾敢拆禮物，成日都比份禮身變成自己的負累，個感覺真係好慘的。
6. 不如講下你自己的那份禮物。
答: 我頭先講過話「冇happiness，淨係有meaning」呢回事，即enjoyment唔得同happiness啦下。我覺得做人好苦，勁苦，包括我自己，咁呢就~我由細到大learn到的東西，有一半我當係從前生carry來的，而有一大部份係現世人家比的，我要做的就是攞番出來，以做到冇拖冇欠為基礎。如果你有心去幫人就要留意一點，中國卦象裡面最後的一句「亢龍有悔」，那種「悔」是一種悲情，係要去到最mature的時候你先至qualify有呢種悲情。如果你無啦啦就去同情或去幫人呢，而你又能力唔夠的話，你地係攬住一齊死。所以如果你對這世界有點悽然，有點不忍的話，你第一年要做的事情係要即刻「標」返屋企整到自己好tough左後先再出來幫人，否則會好大穫，我地日日都見到有人奇妙地送炭到泰北，但泰北並唔會因此而變得溫暖，根本唔會改變到現況。
仍然是非常中國的傳統價值，不拖不欠，「還」，成日聽落好似好吾甘願咁，但你堅持要還到大家不拖不欠的過程其實都幾艱辛，而維護傳統價值本身就係艱辛既工作。
「亢龍有悔」我重未領略到當中的意思，但我都認為有人奇妙地送炭到泰北真係好奇妙，有時覺得d 扶貧節目都幾無謂，喊完一輪個世界又冇變，都重係覺得身體力行係最好，喊完落手落腳就話姐，喊完又冇事咁算點姐。
討厭呀...尋日明明打到成第12題....orz
我好有興趣睇落去，無奈捱到第一條問題結尾已經有點頭暈眼花＠＠
/me 逃