可愛的親戚(一)

我真係想問，究竟直接問人人工幾多算吾算係一個無禮貌既行為?
幾個星期之前，我個大姨問完，幾日前，我個細姨問，今日，我個表姐問。
我真係好想大叫: 究竟你地想點??

你地知道左又點?就算你地係無惡意，我亦知道你地並吾係想睇我點樣潦倒，但我實在吾想去滿足你地既八掛心態囉，對吾住，我覺得呢d吾係叫關心，係不折不扣既八掛，我只能同你講，我好好，我重未死，我有手有腳，雖然吾係住頭家，但我都叫做靠自己。

係，我認我無禮貌，但對住d咁既問題，除左面我真係諗吾到重可以有表情，我正係度對付緊波斯王子，就走入黎，次次都坐係張床，望住我上網，算點?你吾係八到連人地做緊乜上緊乜網都想知下話? 問我最近點係邊做返幾點，其實我覺得呢d問題真係好無聊，我真係好吾想答你，我知我無禮貌，我一路望住個芒一邊係度答你，so what?
你有冇諗過你d問題係幾咁無聊?點解次次過親黎都係問呢d?我返幾點又關你叉事?我返邊度咁又點，又話有朋友又係做設計云云，對吾住我冇興趣，我最憎人地介紹工比我，我自己有手有腳，我諗我重未洗你呢個失左業成年既人黎介紹囉。


我都知我d態度極差，面樣衰重要悔悔氣氣咁，但最慘係咁樣對住佢都仍然係坐住張床度繼續問，我本來都有d內疚，但我真係頂吾順，你地真係好煩好無聊!!