百物騰貴

我懷疑去元朗食壽司已經成為嶺南人的一個習俗...

早前約極214 group都係唔齊人，於是最後係我同筠姨媽拍拖更去食。


但食飽之後感覺好唔抵食...定係叫錯野呢?

我地總共order左三文魚壽司四件，鰻魚三件，甜蝦一件，燒三文魚腩一客，鹽燒多春魚一客，香芒炸蝦卷半客，七味雞翼一客...應該係咁多...(咦，兩個人又好似食咁多咁既XD)

我記得第一次去金田，四定五個女子去食，每人比六,七十，飽到死的，又可以食到好多款。

係咪今次兩個人既關係呢，埋單要成230幾，一人差不多成百二蚊，諗諗下不如去打邊爐。(我次次去金毋都係比六,七十咁上下)




先講長壽司，絕對係縮左水，我懷疑幼左同窄左1/3...而且三文魚又唔夠肥...

燒三文魚腩其實都幾好食，但得5小塊..鹽燒多春魚重離譜，5條細到無論既多春魚，去BBQ個D重大過佢....
香芒炸蝦卷就係元朗風格---多飯，頂肚用。
最後叫的雞翼都係用來頂肚...


其實成餐唔係話唔好食....而係呢個價錢真係應該可以食好D....下次RE-U都係打邊爐算啦。