見到honey提到今季動畫, 我又講下先 (最近除咗病到厭外, 實在無特別事好講 汗)
長篇銀魂 & Bleach暫告一段落, 聽聞係動畫追到漫畫嘅進度, 而今季好似無一套動畫特別吸引好想睇, 新返嘅暫時主力追看白熊咖啡廳, Fate/Zero II, 少年同盟 II, 緋色的欠片, 一起一起這裡那裡
會睇白熊咖啡廳係因為見到聲優陣容吸引, 估計故事質素應該唔會差得去邊, 睇咗頭兩集覺得好得意; 少年同盟已經係第二季了, 睇過第一季後好鐘意佢嗰種淡淡幽默惹笑嘅style; 緋色的欠片係類似Brave 10 & 薄櫻鬼嗰類可以當女主角無到嘅動畫 (拇指); 一起一起這裡那裡係一套輕鬆攪笑嘅校園喜劇
本來新返嘅只睇上面那幾套, 不過上星期六日發現另外有幾套好似唔錯咁:
宇宙兄弟 – 弟弟已當上太空人, 主角決定重拾童年夢想(希望長大後兄弟一齊上太空漫遊), 於是參加太空人甄選及瞓練嘅勵志動畫, 睇咗三集, 劇情意外的唔錯, 可繼續追看
坂道上的阿波羅 (Apollon) – 呼呼呼…兩位男主角有奸情 ^+++^ 互動好萌 ////// 要俾心機 (?) 追看 orz
散華禮彌 – 幾特別嘅故事, 主角嘅理想對像係殭屍女, 對活生生嘅女性無興趣, 女主角無意中認識了主角, 想尋死的她飲下主角為剛死去的竉物所調製的還魂藥, 希望死而復生後可以一切重新開始… 我對e套動畫幾有期望, 覺得故仔幾有趣 ^^
計計下原來今季要睇嘅動畫都唔少 汗 仲未計之前追開未播完嗰啲…
等睇你地的看後報告=W=
HONEY食多一點維他命C, 病會快點好.
好好保重.
維他命C, 嗯嗯, 好的