呢個世界
有錢係大晒
無無聊聊咁係屋企訓覺，不如出去行下～
今日出左荃灣，想試下果間嘉樂冰室
坐西鐵出荃灣，經過如心酒店，
今日天氣好好～雖然是大暑但唔太熱
誤打誤撞行到來，見到有成十幾人在排隊，
我唔知頭唔知路，問下排緊的人，佢地話等位後邊，我咪戇居居咁排最後
等左成半個鐘，差唔多到我時，我問個店員：一個有無位呀？
佢叫我入去坐，坐的是卡位，一邊兩座位
我同三人搭台
叫左一杯飲品，一份腿蛋治
本想叫柯華田奶昔，但個店員話唔做，於是改凍朱古力
我等等等等等．．．成廿分鐘都未到來，之後同台個女人話做奶昔果個人番左來
個女人改單要奶昔，於是我又學佢改
收銀阿姐好好人，佢話可以改～ （因為我個凍朱古力根本未做－＿－）
再等左15分鐘度，柯華田奶昔整好～
好好味，好似食緊雪糕咁，不過就貴左ｄ．$18
蛋治比起之前在openrice見到的細份左好多～但都幾抵食既，
我只食左半份，都食唔晒，要打包了
我之前睇飲食男女，知道呢個收銀阿姐其實係老闆老婆個妹
佢好多野講，佢同另一個成日幫襯的靚哥好鬼多野講
又鬥個仔邊個高ｄ，又鬥邊個個仔著的鞋大ｄ
又笑說介紹我去拍戲，叫我做０靚模
之後來左個婆婆，佢地又一齊傾．．．感覺上好溫暖，而且有人情味
前前後後，呢餐食左成兩個鐘．．．
好彩有nds打發等待時間～
早兩日到了大埔，
經沙田回家時，到了朋友的店嚓了一餐，
因之前答應了幫忙寫篇食評...
呢個咁普通的沙律，d汁好得意，我覺得好似卡樂ｂ BBQ味薯片果d味
佢話d汁係師傅用左40幾種香料混成的，
都唔知話佢巴閉好定多餘好...
最好味都係呢個蟹粉小籠包，正！
好似要20蚊一隻...
放滿了成檯食物，根本吃不下...
一個人對住咁多野食，感覺有ｄ怪...
自己同自己撐檯腳，
最後好滿足咁捧住個大肚腩番屋企～
