i'm hating it!

e?文法有沒有錯的?






打風就緊係要飲茶(?)。

飲茶呢就，好似要一家人相親相愛咁架喎。
我阿媽就好好咁落左去等位，齊人之後就去左d檔仔拎左通菜同炸魷魚返黎食住先啦。

咁就叫我地揀點心啦。
咁四個人食，我都是但揀左7樣，點知佢話多喎: 四個人邊食得晒咁多呀～重有其他野食架啦～

於是就點呢，係咁劃左我揀左個ｄ點心。
佢：　黃金炸兩腸？黎架？
我：　即係炸兩囉～
佢：　咁要黎做乜呀！


佢：　食緊魷魚啦喎，重叫咖哩魷魚？唔好要啦～

佢：　呢ｄ乜野芒果沙律卷呀？
我老豆：　ｄｉｕ！呢ｄ乜ｘ野唔好要啦！要個福建炒飯先～



我細妹：　點解呢間野Ｄ點心冇得睇價錢，都吾知大中小點點計
我阿媽：　有幾何飲茶丫～～想要咪點囉～




聽完Ｏ咀囉。
我真係嬲囉，我都好耐冇試過面啦．．．．我唔係話小氣你唔比我食野．．．
但落街飲茶究竟係我去食Ｄ我想食既野，定你想我去食Ｄ你想食既野？

我真係忍唔住問左佢一句：　咁你地又食通菜？屋企冇得食？
講到大條道理咁呢樣又點個樣又有得食，其實最後咪因為自己想食之嘛。
唔係話你比錢就要食晒Ｄ你想食既野掛？
咁我寧願係屋企煮麵食啦，老實講，好想同你食家陣。
重要係完全無問過我之下劃晒我揀Ｄ野，重講得出話想點乜就點囉。
最抵死係最到後面真係有人唔夠飽喎，咁再叫啦，叫呢，又係通菜囉，個個係我老豆。






我決定以後都唔再同佢地飲茶。
比錢大晒呀？




其實一直都係咁架啦．．．只係當我老豆係度既時候，情況係會極端嚴重。
雖然我阿媽睇落去好似好強勢咁，但其實暗地裡不知幾怕我老豆。





我都成日諗，究竟佢地教到兩個女都咁西口西面當中一定有玄機。
以前都覺得可能係我自己衰，但我真係愈黎愈發係佢地既問題囉。
你點同呢Ｄ人講野呀？
真係講多兩句都係浪費時間架喎，因為佢地根本唔會聽你講野。
成日扮開明比選擇你，到最後又會懶係為你好咁呢樣唔比個樣唔好，其實自私到爆囉。