偏見文之大龍鳳

之前所說的，什麼婚禮很感動，令對我對婚姻改觀等的言論，這下子可以完全推翻了。
完全只是人的關係而已。
如果好朋友是搞些公式婚禮，我想我還是會感動的，因為是我的好朋友嘛，但一些無關痛癢的人，只覺得是極其浪費時間。
現在我對外(親戚們)的狀態，比起之前是好得多了，起碼不會再板起面孔，因為我年紀大了，我現在每一次出席大家族的聚會是以一種「認命」的心態去的，是一種「你欠我好過我欠你」的心態去說服自己的，所以一天的時間，我還是豪得起。

今天我要出席的，是我最最最最討厭的那位姑姐的婚禮，這女人，除了教曉我旅行要搵o岩人之外(請參閱http://mypaper.pchome.com.tw/news/debussy/3/3673744/20030820125214/ )
，連去婚禮，如果不是好朋友的話，那些什麼slide show呀，愛的承諾呀，觀賞度就大大下降了。

如果你說我和她的恩怨情仇，老實說，頂多也只是些雞毛蒜皮和旅行事件而已，我也承認我是一個很小氣的女子，但這女人的各種行為本人真是完全不敢恭維。
其實我並不討厭那些一開口就「blah blah blah」的人，但她那一種是自以為同你好熟，你吾笑會問你做乜吾笑(我要同你賣笑?)，吾笑係你既錯，以為自己是全世界最鬼friendly既人，真係好頂佢吾住。

會「blah blah blah」既人好著數，成日會營造一種同周圍好似好friend既假象(我都吾排除會有人真係落疊既)，工作上，不能否認這種人好著數，甚至有時做錯事，都好容易就以笑遮醜。(呢個世界就係咁不知所謂)

所以呢晚我都好好奇，婚禮，通常就係主角們的人際網絡大晒冷，乜鬼都請一餐，佢呢種人，重吾有咁大搞咁大?我就好想知，當晚佢既同事舊同事乜乜七七既人，究竟清吾清楚佢係一個點既人?

佢已經係第2次結婚。
我真係好同情第一任既姑丈，比佢搞到雞毛鴨血，而家重要住筆債，而佢而家重有面同第2個結婚，見到佢個開心樣，有d想作嘔。
話說有人貪心，係97年前後，係自己同老公一d 積蓄(吾知係冇定吾肯用)都冇既情況之下，以為買樓轉個手會好易賺錢，自己就分別向阿媽同2個家姐借左30萬，男方就向屋企借左50萬總共80萬買一層樓既首期(要注意，想買樓既一直都只係女方，男既都係迫住借，你當時想要錢定要個老婆?)。
當時佢地結婚，連酒都冇錢擺，係自己一毫子都冇出既情況之下，竟然夠膽全部問人借去買樓。卒之，大家都可以預計到，97金融風暴，佢地層樓變左負資產，於是，佢地兩個人賣左層樓每個月都重要還好多既債，男既重要慢慢將個50萬還番比屋企，女既呢?好似還左小小之後就當冇左件事。

當年，借錢比佢既姑姐都有追過，亦有同其他人講過件事，之後重要比佢反轉黎鬧話做乜唱佢喎。你話呢個世界係咪有d咁既仆街?自己問人借錢吾起你釘咪算厚道囉，欠債還錢天經地義，爭人錢重可以大大聲鬧人，重可以大條道理吾還錢，重可以係黃金海岸搞婚禮但一樣吾還錢。
我吾能夠想像有人可以咁厚顏，不過事實就放在眼前。呢個世界人粉多的是。
呢晚個個都大龍鳳，個個都金光閃閃，但感覺好令人作嘔。

事實上，佢都吾係爭我錢，但係咪我閱歷吾夠深?定還是吾明白姐妹情?就算吾係講錢，呢個人一心當自己既姐妹係水魚，有事既時候咪姐妹囉，冇事呢，咪過黎social下，搞下party(佢最拿手架啦)咁囉，哦，原來咁就係姐妹情。(佢借完錢都潛左幾年架，根住吾知發顛又真係當乜事都冇發生咁又彈番出黎)
如果我係咁樣比人耍，呢一個婚禮呢一個飲宴，我一定吾會黎，一定食完都背脊骨落，但呢家人，表面上又係可以好似乜事都冇發生咁，可能，真係我修為吾夠。



我同呢家人真係八字吾夾。
其實係一個熱鬧既氣氛當中比較靜係咪真係一種罪呢?何解次次都要問我點解咁靜?咁係咪想我喊?
何解次次走既時候都要話等下啦等多一陣啦等埋主人家啦。
大佬，人地聽日要開早。
今次竟然有人答: 我夠開早啦!
仆街，人地話走做乜係都吾比人走?係咪而家鬥早返工丫?吾係個個好似你咁hyper-active，(呢家人，吾知點解去親坎都去到盡，著到好似自己結婚咁)乜都要差隻腳落去，係咪想早d返屋企訓覺都吾得?
想早d走既潛台詞咪即係話: 同你班白痴道不同不相為謀呀
係咪要畫公仔畫出腸呀?係咪要講你班人真係好很煩呀?
都吾知班人構造。



呀，講返正題，就係話吾知d人究竟會了解主人家幾多。
或者我有d野真係太執著掛，其實賤人都應該會有朋友的。
又或者上到台影「歡樂照」既，有9成都係賤人呢，我又何嘗吾係其中一個。

總之最後結論係，係人道方面立場(?)黎講，我係吾會祝福佢的(吾咀咒佢咪佢厚道囉)，我會偏向祝福我第一個姑丈，一個好人係理應得到幸福的。(其實要數女方既惡行，真係數到天光都數吾完呀!)










另外一件事就係，我細妹依舊是一副令人想打幾記耳光的面口，整晚又係表現得極度不耐煩，搞笑的是，中途她竟然借酒消愁(?)，喝了杯紅酒，之後就不舒服了，面口更，好像還流淚，我真的搞不懂這個人究竟腦子裝什麼。
之後，有個抽獎遊戲，上台的人可以盡拿箱子的利是，我媽竟然好彩被抽中，上台抽了33封利是，之後我細妹就兩眼發青光，係咁叫: 比我比我!
我阿媽將利是分人，給了10封我細妹，她露出了這一天的第一個笑容，重要係勁開心那種，對此人，我真係無言，不過，算了，在一個星期前，我已經決定放棄與這個人溝通。



所以說，我和這個家族的人八字吾夾。