エスペラントな日々

エスペラントを学び始めて22年目である。この言葉をめぐる日常些事、学習や読書、海外旅行や国際交流等々について記す。

La dua tago en la UK

2017-10-17 | 2017 tra Siberio


Matene en la 23-a de julio ni ekiris el la hotelo al la kongresejo. Unue ni devis piediri al la stacidomo de la metroo fora je cxirkaux 200 metroj. Pluvegis. Mi, precipe mia pantalono malsekigxis. Per metroo ni veturis, kaj ankoraux devis piediri al la kongresejo en pluvego cxirkaux 300 metrojn. Mi plie malsekigxis.
Antauxtagmeze okazis solena malfermo, pri kiu mi ne havas specialan menciindajxon.
Post la solenajxo mi kun mia edzino iris al la restracio de la universitato, en kiu okazas la UK. Estis longega vico de mangxontoj, do mi rezignis mangxi tie, kaj sola iris al la cxambro de la internacia koruso.



La koruson gvidis korea esperantistino. Ni kantis la japanan kanton "La hejmloko".
Mi intencis kanti en la arta vespero, sed cxi-foje la arta vespero iom alia ol la kutimaj kaj ne estis provludo. Verdire mi iom perdis lertecon de kantado pro tio, ke mi ne ekzercis min en kantado dum la vojagxo, plie post longa vojagxo mia vocxo iom malbonigxis. Do por mi estis felicxe ne kanti en la arta vespero.



Mi cxeestis en la prelego "Interesa esprimo de korea lingvo".
Ekzemple en la korea "nai meoktta" signifas laux rekta traduko "mangxi agxon", sed vere signifas "agxo pliigxi, maljunigxi". En la japana lingvo trovigxas sama esprimo.
En la korea "mulmeoktta", rekte tradukite "mangxi akvon", signifas "malsukcesi". Tia esprimo ne trovigxas en la japana.
La cxambro de la prelego estis tro malvasta, estis plenplena per cxirkaux 40 auxskultantoj. Ankoraux cxirkaux dek homoj auxskultis cxe la enir-pordo. Ankoraux ne malmultaj rezignis auxskulti.



Mi cxeestis en la plerego pri korea historio. S-ro SO Gilsu per flua esperanto klarigis tre koncize kun multaj lumbildoj pri la historio de antikva tempo gxis la invado de Japanio en 16-a jarcento.

Ni promenis en la stratoj apud la kongresejo por trovi mangxejon. Du euxropaj esperantistinoj demandis min, kie estas la restracio de legomoj. Certe por vegetaranoj estis tre malfacile mangxi korean mangxajxon. Konsultante mapon mi trovis la restracion, sed gxi ne malfermis. Mi ne scias, kion ili trovis por vespermangxo. Ni mangxis mallegomojn.



Vespere mi spektis korean kanton, dancon, ludon de korea luktosporto, ktp. en la Nacia Vespero.

Finigxis la dua tado de la UK.

ソウルでのエスペラント世界大会第2日です。午前中は開会式。午後は「韓国語のおもしろ表現」と「韓国の歴史」の2つの講演会を聴き、国際コーラスに参加しました。夜は韓国芸術の夕べでした。
コメント

La unua tago en la UK

2017-10-13 | 2017 tra Siberio


Matene en la 22-a de julio mi promenis cxirkaux la hotelo. Trovigxis surstrata bazaro, kie oni vendis diversajn ajxojn, cxefe cxiutagajxojn.
Lavado de vestajxoj estas unu el gravaj probremoj de longa vojagxo. La hotelo ne havas servon por lavado, do mi sercxis lavejon. Promenante tra la surstrata bazaro, mi trovis etan lavejon.
En la cxambro de la hotelo mi aperigis sur mia "iPad" mallongan frazon "Kiam mi povos ricevi la lavitajn vestojn?" en korea lingvo. Por tio mi utiligis la tradukilon de Google.
Portante niajn du pantalonojn kaj iPad kun la frazo, mi vizitis la lavejon. Bonorde mi sukcesis konfidi la pantalonojn al la lavisto. Aliajn vestajxojn, subvestoj, cxemizoj, ktp, ni mem lavis.

Posttagmeze mi iris al la kongresejo, registris nin en la Kongreso, ricevis kongresan libron kaj aliajn, renkontis kelkajn konatojn. La kongresejo estis iom malvasta, mankis ripozejo, kaj ekstere estis tre varme, do mi ne atendis la komencigxon de la Movada Foiro/Interkona Vespero.

Mi revenis al la hotelo je la 17:00. Mi legis la kongresan libron, studis mian planon en la Kongreso.
Mia vjetnama amikino venis. Kiam mi vojagxis en Vjetnamio en la jaro 2001, sxi multe zorgis min en la urbo Ho-Chi-Minh. Nun sxi estas mia kvazauxa filino. Sxi portis multajn donacojn al mi.

7月22日、午前中はホテル周辺を探検しました。にぎやかな市場を抜けていくと小さなクリーニング店がありました。ホテルに戻って iPad でグーグル翻訳にアクセス、「いつできますか?」を韓国語で表示してズボンと一緒に持っていきました。
午後は大会会場へ。登録をして資料を受け取って、夜の行事には参加しないでホテルに戻りました。
ベトナムの友だちが贈り物をいっぱい持って現れました。
コメント

La lastaj programeroj de la karavano (2)

2017-10-11 | 2017 tra Siberio


Finigxis la ekskurso al la landlimo. Ni revenis la hotelon, kie la ekskurso komencigxis.
Matene en cxi tiu hotelo ni trinkis kafon multekostan je 12,000 uxonoj (cxirkaux 9 euxroj), rabatite al 3,000 uxonoj, do kvarone malmultekoste, por ordinara prezo.
En cxi tiu hotelo mi vidis necesejon, kiu havas kuveton kun auxtomata dusxo por lavi la postajxon. Tiuspeca necejkuveto estas populara en Japanio, trovigxas ecx en mia hejmo. Sed gxis tiam mi neniam vidis gxin en eksterlando, ecx en Euxropo.



Du koreaj karavananoj prenis nin per sia auxto. Survoje mi trovis "JEI"-on, sed gxi ne estis Japana Esperanto-Instituto.



Ni iris al "Namsan: suda monto", kie trovigxas korea restracio. Jen estas la lasta programero de la karavano, vespermangxo kun koreaj esperantistoj. Kolektigxis entute cxirkaux 20 esperantistoj, el kiuj estis italo kaj cxino. Ni mangxis korean mangxajxon ”pibimpap” (rizo kun legomoj).



Post la vespermamgxo, finigxo de la karavano, S-ro Ou, korea karavanano, per sia auxto veturigis nin (mi, mia edzino, pola esperantisto kaj cxina esperantisto) al la Norda Monto. De sur la monto ni vidis noktan pejzajxon de la urbego Seulo. La cxina esperantisto diris, "En Cxinio oni devas pagi por eniri en cxi tian bonan lokon!".
Morgaux komencigxos la UK.

板門店から帰り、夜は最後のプログラムの夕食会。夕食後は韓国のオウさんの案内で北山からの夜景を楽しみました。

コメント

La lastaj programeroj de la karavano (1)

2017-10-07 | 2017 tra Siberio


En la 21-a de julio ni, ses nekoreaj karavananoj per subtera trajno iris al iu hotelo, kie ni registrigxis en la speciala ekskurso al la landlimo. En la auxtobuso estis multaj turistoj, el kiuj estis ne malmultaj japanoj. Gvidis nin du cxicxeronoj, anglalingva kaj japanlingva. Unue la anglalingva cxicxerono parolis, kaj sekvis la japanlingva resumo. La japanlingva cxicxerono aldone parolis pri diversaj aferoj. Unu el esperantistoj plendis, ke nur japanlingva cxicxeronado estas ne justa, cxar anglan cxicxeronadon li ne bone komprenis.
Ni vizitis la muzeon pri la Korea Milito. Ni sekvis la tutan progreson de la Korea Milito. Ni vidis grandan liston de la mortintoj.



Entute 17 landoj partoprenis kiel membro de la armeoj de UN. La milito ankoraux ne finigxis, sed nur pauxzas.

Ni vizitis la parkon "Iimjingak: 臨津閣", kie ni vidis nordan parton de Koreio, la ponton sur la rivero Imjin, nerealigitan stacidomon de trakoreia fervojo, rustigxintan lokomotivon...



Kaj ni vizitis la landlimon Panmunjom:板門店. Estis permesate foti nordan parton, sed ne sudan parton.



Ni eniris la domon, kie okazas kunveno de ambaux tendaroj, suda kaj norda. Sur la tablo montrigxas la limo per mikrofonoj. Ni eniris nordan parton en la domo.



Kaj tra la fenestro ni vidis la limon konstruita per betono. En la foto dekstre estas suda parto, maldekstre norda parto. Laux la unua plano de s-ro SO Gilsu ni estis piede transirinta la limon.
La suda tendaro proponis al la norda, ke ili havu kunvenon en la tago, kiam ni vizitis la landlimon. Sed la norda tendaro nenion respondis. Se okazus la kunveno proponita, ni ne povus viziti Panmunjom.
コメント

Al Koreio

2017-10-05 | 2017 tra Siberio


Frumateme en la 20-a de julio ni ekiris de la hotelo al la flughaveno de Pekino. Ni bonorde eliris el Cxinio, flugis al la flughaveno Gimpo, Seulo. Bonorde ni eniris en Koreion. Aviadilo tre rapide veturas kompare al trajno. Ankaux en Koreio estis tre varme.
Cxe la flughaveno Gimpo koreaj karavananoj disigxis, revenis hejmen. Ili ne povos partopreni en morgauxa programo viziti la landlimon. Ses nekoreanoj, du japanoj, du hispanoj, polo, nederlandano, kune veturis al la hotelo, kie ni logxos dum la Kongreso. S-ro So dauxre gvidis nin.
Mian cxambron rezervis iu korea esperantisto, amiko de mia amikino. Sed en la listo de la logxantoj de la hotelo mia nomo ne ekzistis. Felicxe en la hotelo ankoraux estis ne okupita cxambro, do mi mem rezervis la cxambron surloke.
S-ro So gvidis nin por vivi cxi tie. Unue li montris al ni kiel ni povas acxeti la bileton de la subtera trajno. Poste li prezentis simplan restracion, kiu havis nur kvin kuirajxojn en la menuo kun fotoj, do tre facile mendeblajn. Li prezentis ankaux vendejon de pano, sandvicxo, kuko, kie ni povas acxeti matenmangxon.
Mi promenis cxirkaux la hotelo, trovis multajn restraciojn, kaj kelkajn malgrandajn cxiovendejojn.
Jen komencigxis dektaga vivo en Seulo.
La karavano finigxos morgaux.

7月20日、北京から金浦空港に飛び、ソウルに着きました。友だちの友だちが予約してくれたはずのホテルには私の名前がありませんでしたが、空いた部屋があったのでここで約10日間の生活です。
コメント

La kvara tago en Pekino (2)

2017-10-03 | 2017 tra Siberio






Posttagmeze ni vizitis la muzeon pri nacioj en Cxinio. En Cxinio logxas 56 nacioj. En la muzeo, kiu havas tre vastan terenon, ekspoziciigxas tipaj domoj de la nacioj. Por mi estis tre interesa muzeo. Mi promenis vizitante cxiujn domojn, sed estis tro varmege, sxvitige, do bardaux mi estis tre laca. De tempo al tempo ie en la muzeo okazis koncerto de nacia muziko, mi nur auxdis tion.



Ni spektis cxinstilan cirkon. Interalie tre emocia estis la spektaklo de motorcikloj. En ne tre granda globo el metala reto kuregis motorcikloj, du, tri, ... fine kvin!



Vespere ni vizitis iaman logxejon de la intelektulo, sxtata oficisto Ji Yun (紀 昀 1724 - 1805). Mi nenion sciis (ankoraux nun scias preskaux nenon) pri cxi tiu erudito.



Pli multe interesis min la sxtona monumento, kiu montras, ke cxi tiu loko estis sekreta (kasxita; subtera laux cxina kaj japana esprimo) komunikejo de cxina komunista partio.

Per vespermangxo en cxina restracio, finigxis niaj pekinaj tagoj.

午後は中華民族院という、広い敷地に56民族の伝統家屋が建てられているところを見学。私が最も興味を引かれるところなのですが、広い敷地を歩くのには暑くて参りました。そのあとは雑伎団の公演を見て、紀 昀という18世紀の思想家の旧居を見学して北京の4日間が終わりました。
コメント

La kvara tago en Pekino

2017-10-01 | 2017 tra Siberio


En Pekino la aero estas malpura. Matena suno estis sjajne luno plena, sed ne bela.



En la kvara tago en Pekino ni povis ripozi laux la plano, sed ni deziris plu turismi kaj multajn lokojn vizitis.
Unue ni vizitis la Imperiestran palacon "Malpermesita Urbo 紫禁城”, unu el la mondaj heredajxoj de UNESKO.



En vastega tereno trovigxas multaj konstruajxoj. Cxina esperantisto bone gvidis nin, klarigante pri diversaj aferoj. Sed estis ege varme, kaj mi preskaux nenion memoras. Nenion mi memoras pro la varmegeco, ne pro mia maljuneco.

.

Trovigxis ujegoj, iam oraj, sed dum la militoj oni deskrapis oron.



En okcidenta parto estis logxejo de virinoj, kie trovigxas multaj belaj statuoj.



En la plej norda parto trovigxas gxardeno.
Ni eliris el la palaco tra la norda pordego, kaj iom piediris al la loko, kie ni povis atendi nian auxtobuson.



Subite antaux ni okazis kverelo. La auxtoj, taksio kaj motorciklo, koliziis aux kunpusxigxis, kaj la motorciklo estis iom difektigxis. La junulo postulis la monkompenson, kies sumo estis ne konsentebla por la sxoforo de la taksio. Ni longe atendis la auxtobuson, la kverelo dauxris ankaux longe. Mi ne scias, cxu ili atingis kompromison.



Ni vizitis iun konstruajxon, en kiu trovigxas oficejoj de cxina Esperanto-Ligo kaj "el popola cxinio". Tie ni tagmangxis senpage. Mi renkontis s-ron Usui, japana esperantisto, nun laboranta cxi tie.



Ni havis mallongan kunsidon kun lokaj esperantistoj. La longa flago, sur kiu ni skribis niajn nomojn, estis prezentita en la UK.

北京の4日目、まず紫禁城(故宮)を訪れ、次に中国世界語協会や El Popola Cinio などの事務所がある建物へ、ここで昼食をとり、ちょっとした交流会を持ちました。
コメント

La tria tago en Pekino

2017-09-29 | 2017 tra Siberio


En la 18-a de julio ni vizitis la Grandan Muron. Unue per luita auxtobuso ni vizitis nove konstruitan "Antikva Norda Akva Vilagxo 古北北鎮"-n. Cxirkaux Pekino trovigxas kelkaj lokoj por vidi la Grandan Muron, sed cxie svarmas turistoj. Kaj tra cxi tiu "vilagxo" ni povas atingi la Grandan Muron "Sima 司馬", kie estas ne tro multaj turistoj.
La vilagxo estas ne ordinara vilagxo, sed turisma loko. Ni devis pagi cxirkaux 25 euxrojn por eniri la vilagxon, kaj por viziti la Grandan Muron plie.





Ni per kablovagono supreniris, kaj piede grimpis laux sxtona sxtuparo, atingis la Muregon. Estis varmege, sxvitige. Ni promenis laux la Murego, kiu estis parte tre kruta.





Ni promenis kaj tagmangxis en la vilagxo. Por acxeti ion oni bezonis malgrandan komputilon ”smartphone", nur per kiu oni povas pagi. Mi devis peti cxinan esperantiston acxeti akvon.



En la vilagxo trovigxas hotelo kun varma fonto kaj publika pied-banejo.

Reveninte Pkinon, ni vespermangxis en cxina restracio. Ni mangxis iom da tre fama kuirajxo "Pekina Anaso".

7月18日は万里の長城見学でした。古北北鎮という古い町を再現した村(テーマパーク?)からロープウェーで途中まで上り、さらに階段を昇って到達、急勾配の所もある壁の上を少し歩きました。 村の中も散策、買い物をするのにスマートホンが必要でした。北京に帰って夕食では北京ダックを少しだけ賞味しました。
コメント

La dua tago en Pekino

2017-09-27 | 2017 tra Siberio


En la 17-a, ni per luita auxtobuso iris al la plej fama universitato en Cxinio, sed oni ne lasis nin eniri. Kia misplano estis, mi ne scias.



Ni vizitis grandan gxardenon "Somera Palaco, 頤和園". La gxardeno havas preskaux miljaran historion, kaj nun estas monda heredajxo de UNESKO, kaj fama vidindajxo por turistoj.
Pro la milito kontraux Britio kaj Francio (la dua Opia Milito 1856 -1860) la gxardeno tute ruinigxis.
Dum la jaroj 1884 - 1895 tiama imperiestro rekonstruigis la gxardenon por sia tria edzino Xi Taihou (西太后). Tio kauxzis grandegan elspezon, kiu onidire estis unu el la kialoj de la malvenko en la milito kontraux Japanio (1894 - 1895).



Estis ege varma tago, do ni veturis en la gxardeno per sxipo. Sed kelkaj promenis per propraj piedoj.



Mi vidis sxipon el sxtono, kiu kompreneble ne movigxas.





Ni devis atendi la piedemulojn, sed dum la tempo ni promenis en alia parto de la gxardeno.



Finfine ni cxiuj rekolektigxis kaj eliris el la gxardeno. Cxe la en-elirejo estis anonctablo, kiu montras la nombron de la enirintoj aktuale.



Ni vizitis malnovan esperantiston, kies patro estis fama verkisto, tradukisto, esperantisto nomata Cicio Mar. La cxambro estis plenplena de esperantajxoj.



Mi antauxe legis la romanon "Montara vilagxo" de Cicio Mar, verkitan angle kaj esperantigitan de W. Auld.



Ni promenis en la kvartalo Wangfujing (王府井), plej fama kvartalo en Pekino. Kelkaj karavananoj acxetis medikamentojn. Trovigxas multaj restracioj en la kvartalo, sed ni vespermangxis malmultekoste en restracio apud nia hotelo.
Finigxis la dua tago en Pekino.

北京の2日目はまず北京大学へ、しかし入れてもらえなかった。メインの観光は頤和園。次に古いエスペランチストの家へ。その人の父親が有名な作家で、エスペラントの著作もある。最後は王府井を散策。有名な繁華街だが、買い物にあまり興味のない私には退屈だった。
コメント

La unua tago en Pekino

2017-09-25 | 2017 tra Siberio


En la 16-a de julio ni alvenis al la satacidomo de Pekino, Cxinio. Ni piediris 500 metrojn gxis la hotelo kun la valizo. Estis cxirkaux tagmeze, ege varme, humide kaj sxvitige.
En la hotelo ni ricevis sxlosil-karton de la cxambro. La karto necesis por uzi lifton kaj ecx komunan necesejon en la teretagxo.
Ni ne havis tempon ripozi en la cxambro. Ni iris tagmangxi en tuj najbara restracio "KFC" (Kentucky Fried Chicken). Sed en la restracio tute mankis liberaj segxoj, do ni acxetis la kokajxojn kaj kolaajxon (usona trinkajxo), mangxis ilin en nia hotelcxambro iom rapide.
Ni per publika auxtobuso iris al la popola placo antaux la pordego Tiananmen.



Nia unua celo en Cxinio estis nacia muzeo. Ni devis trapasi du-trifoje la kontrolon por sekureco. Ni havis nur unu kaj duono da horoj. Mi vidante kaj fotante la ekspziciajxojn de la antikveco gxis moderna tempo preskaux trakuris tra la muzeo.





Verdire ni bezonas almenaux unu tagon por nur vidi suprajxon de cxi tiu granda muzeo.



Interesis min iu afisxo, kiu montras la situacion de orienta Azio post la ribelo de ”Donghak nongmin” en Koreio en la jaro 1894. Post la ribelo okazis la milito inter Japanio kaj Cxinio, kaj Japanio impetis al la invado, militoj ... kaj pereo.

Ni vespermangxis en cxina restracio.
Tre felicxe en la cxambro de la hotelo estis banejo kun bankuvo. Mia iPad facile konektigxis kun interreto, sed kontakti kun Google kaj Facebook estis malpermesate. Cxu ili tiel dangxeraj por la registaro de Cxinio?

北京に着いたのが昼頃、猛暑でした。昼食後に天安門広場にある国家博物館へ。わずか1時間半ではほとんど駆け抜ける程度でした。ホテルの部屋には浴槽があって大喜び。WiFi は使えましたが、Google と Facebook は規制されていてつながりません。
コメント

al Pekino

2017-09-23 | 2017 tra Siberio


Frumatene en la 15-a de julio ni vekigxis, arangxis la valizojn. Ni devis ekmatenmangxi je la 6:15, sed nur kiam oni ekarangxis la mangxajxojn. Mi unue mangxis akvomelonon, poste legomojn, panon, plue kolbason, ovon, fine kafon kaj kukon.
Veturante per auxtobuso al la stacidomo mi vidis ekspozicion de malnovaj lokomotivoj.



Ni okupis dulitan kupeon, la litoj estis duetagxaj. Najbare estis ges-roj S-P, kaj inter niaj kupeoj estis necesejo. Kompreneble dum la trajno haltis ie, estis malpermesite uzi la necesejon.



Mi vidis kamelojn sur kampo. Rapide mi fotis ilin, sed malbone.
Ni tagmangxis kaj vespermangxis en la restracivagono.
Bardaux post la vespermangxo la trajno haltis cxe supozeble la lasta stacio en Mongolio. Okazis la procedo de elirlando. Mi jam kutimigxis al la malhumileco de la oficistoj, militistoj. La trajno haltis cxirkaux unu kaj duon horojn. Gxi veturis 15 minutojn, kaj haltis cxe la stacidomo jam en Cxinio. Denove procedo por enlandigxo.



Jam estis malfrue, mi intencis enlitigxi, sed la vagono kelkfoje movigxis kaj bruis. Kio okazas? Scivolema mi elkupeis, kaj vidis ke nia vagono estas iom suprenigxis. Oni laboris por sxangxi radojn (bogxiojn) de la vagonoj.
La relvojo estis antauxe samaj inter Mongolio kaj Cxinio laux la normo de Sovet-unio. Sed okazis malamikigxo inter la du grandaj landoj, kaj Cxinio sxangxis gxin laux sia normo. Do oni devas sxangxi la bogxiojn. Onidire nun Mongola registaro havas planon sxangxi la relvojon laux cxina normo, cxar pli kaj pli gravigxas interrilato kun Cxinio.



Matene la pejzajxo estis jam ne mongolia. Ni matenmangxis en alia restracivagono. La trajno havis du restracivagonojn, mongla kaj cxinstila.



Je 11:40 en la 16-a, julio, ni atingis Pekinon. Ege varme kaj humide kiel en Japanio! Du lokaj esperantistoj akceptis nin.

早朝にモンゴルを出て、国境の駅で出国手続き、中国に入って入国手続き。ここで長い時間停まって、ガタガタやっていると思ったら、列車の台車を替えていました。かつてはソ連規格に統一されていたこの国際路線は、中ソ対立の時に中国側が自国の基準に変えてしまったので軌道幅が違うのです。翌日昼前に北京に到着しました。
コメント

La dua tago en Ulanbatoro (2)

2017-09-21 | 2017 tra Siberio


Ni vizitis la nacian parkon "Terelj", kie ni tagmangxis. Mia edzino mangxis sxafajxon, kaj mi supon kun cxevalajxo. La viando de cxevalo estis iom malmola, ne tre bongusta. En Japanio mi iam mangxis krudan cxevalajxon (Sasimi). Se vi havos sxancon, provu gxin.



Kelkaj interesatoj partoprenis en cxevalrajdado. Unue ni eniris en la logxejon (jurto) de nomado, kaj gustumis kelkajn laktajxojn. La vino el cxevallakto estis iom acida kaj ne forta. Butero, kremo, sekigita laktajxo, cxiuj estis bongustaj.



Mi ekrajdis sur blanka cxevalo. Felicxe gxi ne sciis, ke mi tuj antaue mangxis cxevalajxon. La cxevaloj estis tre trankvilaj.



Nin gvidis kelkaj familianoj de la nomado. Mia cxevalo sxajne ne tre sxatis promenadon, gxi estis iom malrapidema. Sed gxi obeeme sekvis alian cxevalon.
Ni rajdis pli malpli 30 minutojn, kaj ekrevenis. Tiam mia cxevalo subite vigligxis. Kiam mia cxevalo senpacience ekkuris, unu el la nomado ion diris al gxi, kaj gxi tuj cxesigis sian kuradon. Kelkfoje mia cxevalo ekkuris, kaj cxiam per la ordono de la nomado gxi trankviligxis. Mi mem iom kutimigxis al la trotado, fine ni (mi kaj la cxevalo) trote revenis al la loko, de kie ni ekrajdis.



Rajdante mi gxuis belan pejzajxon. Tenante la rimenon teni fotilon kaj foti estis iom malfacile, ecx dangxere.



En la parko trovigxas fama roko "Testudo-sxtono".

Ni revenis al Ulanbatoro, vespermangxis kun lokaj esperantistoj. Kaj en luksa domo de iu loka esperantisto ni havis kunsidon. Ni babilis mangxante, trinkante. Finigxis la dua tago en Ulanbatoro.

テレルジ国立公園で馬肉のスープを食べ、乗馬体験をしました。夜は地元エスペランチストたちとの交流会でした。
コメント

La dua tago en Ulanbatoro (1)

2017-09-19 | 2017 tra Siberio


En la 14-a de julio estis la dua tago en Ulanbatoro.
Ni unue vizitis ruinon de antikva mongolio. Gxi estas unu el tjurkaj sxtonaj monumentoj kun surskribo, kiuj trovigxas kelkloke en Mongolio.



Apud la monumento trovigxas vico da sxtonoj. Kio estas cxi tiu sxtona linio, oni ne scias. Iu karavanano supozis, ke gxi havis ian religian aux astronomian signifon, cxar la linio direktigxas orienten, do al sunlevigxo.



Apud la monumento trovigxas ankaux ruino el sxtonoj, supozeble iama tonbejo. Sur la sxtono mi vidis birdojn.



Kaj cxirkaux la ruino estis vasta herbejo, en kiu multajn kaprojn oni kondukis.



Ni vizitis nove konstruitan turisman lokon, kie staras granda statuo de Gxingis hxano. Ni grimpis la statuon tra sxtuparo, kaj rigardis cxirkauxajxon de sur la kapo de la cxevalo.



En la domo sub la statuo trovigxas vendejo, ekspoziciejo pri la imperiestro kaj grandega sxuo.
Verdire cxi tiu turisma loko ne multe intresis min.

ウランバートル2日目の前半は、突厥碑文の見学と、巨大なジンギス・カンの像でした。
コメント

La unua tago en Ulanbatoro (2)

2017-09-17 | 2017 tra Siberio


Mi vidis, ke sur la fenestro de nia auxtobuso la folio iomete desxirigxis. Mi gxin montrante diris al s-ro SO Gilsu, "Jen cxi tie estas nia majstro!". Li ridegis, kaj diris al junuloj el hispanio, "Vidu, preskaux cxiuj esperantistoj estas Zamenhof-frenezuloj!".



Post tagmangxo en korea restracio ni iris vidi nacian festivalon "Naadam". La festivalejo estis ege vasta, multaj auxtoj estis en la parkejo. Unue ni devis studi kiamaniere ni revenos al la loko, kie nia auxtobuso atendos nin.



En la festivalejo trovigxis multaj vendejoj subcxielaj. Sed kie okazas eventoj de la festivalo, ni ne sciis.



Ni multe marsxis, vagis sur la helbejo (helboj estis preskaux malaperinta pro piedpremado). Estis varmege. De loko al loko naskigxis kirlovento.



Finfine ni alvenis al la cxevalkurejo, sed la cxevalkonkurso jam preskaux finigxis. Ni vidis nur kelkajn cxevalojn, sur kiuj rajdis infano.



Ni iris ankaux al la ludejo de mongola sumoo (lukto), sed pro multaj spektantoj ni ne povis vidi la luktadon, nur auxdis la gxoj- aux ve-kriojn. Ni tre lacaj revenis al la auxtobuso.



La lasta evento de la ekskurso en cxi tiu tago estis teatro, kie okazis naciaj kanto kaj danco (folklora koncerto). Belaj dancoj kaj kantoj precipe la kantovocxo "Huhmie" tre allogis min. Per la vocxo kantisto elbusxigas (mi deziras esprimi "elgolgxigas") du, tre malalta kaj tre alta vocxojn samtempe.

Post vespermangxo denove en korea restracio ni enhoteligxis. Finigxis longa, laciga, sed interesa tago.

午後はナーダム見学でしたが、暑い中、だだっ広くてほこりっぽい会場を歩き回っただけでした。その後は民俗芸能を見に行きました。歌や踊りの中で、わけても初めてホーミーを直接聞けたのは感激でした。
コメント

La unua tago en Ulanbatoro (1)

2017-09-13 | 2017 tra Siberio


Kvankam estis frumatene, cxe la stacidomo akceptis nin kvar lokaj esperantistoj.
Laux la unua plano ni havis tri tagojn en cxi tiu urbo, sed poste oni mallongigis al du tagoj. Ni devis fari tri-tagan ekskurson en du tagoj.



Unue, antaux matenmangxo ni vizitis la nacian parkon Bogd Khan Uul. Sur la monteto staris granda monumento. Kaj mi denove renkontis Leninon.



De sur la monteto ni vidis la urbon Ulanbatoro. La aero super la urbo ne estis tre pura. Cxirkaux la monteto multaj novaj konstruajxoj staras, kaj ankoraux multaj estis konstruataj.



Post matenmangxo ni vizitis budhisman templon "Gandan Tegchenling".



Mi vidis grandegan statuon.



Antauxtagmeze ankoraux ni vizitis nacian muzeon pri historio. Oni ekspzicias multe da materialoj de antikveco gxis nuna tempo. Bedauxrinde ni ne havis suficxan tempon por vidi tuton. Iam Mongolio estis granda nacio, lando. Estis ekspozicio pri la imperiestro Gxingis hxano.



Cxu estas la sceno en la periodo de Mancxuria imperio, sub la regado de Japanio?



En la jaro 1990 okazis en Mongolio demokratia revolucio senviolenta.

当初3日間だったウランバートル観光が2日間になったために、とても忙しく行動しました。列車が早朝に着いて、ボグド・カーン・ウウル国立公園、ガンダンテクチェンリン寺、国立歴史博物館を見て回りました。
コメント